Taraz qalasynyń №2 sotynda «Adamdar tobymen aldyn ala sóz baılasý arqyly asa iri mólsherde bótenniń múlkin jymqyrý, aldaý nemese senimdi teris paıdalaný jolymen bóten múlikke quqyqty ıemdený» boıynsha 4 tulǵaǵa qatysty qylmystyq is qaraldy.
Jambyl oblysy ákimdiginiń aýyl sharýashylyǵy basqarmasy basshysy Erlan Kúlekeev jáne kásipkerler Eljan Elibaı, Marat Daırabaev pen Dıdar Moldaqalyq (depýtat Jıgýlı Daırabaevtyń uldary) sýbsıdııalaý qaǵıdalaryn buzyp, memleketke 550 849 430 teńge kóleminde shyǵyn keltirgen. Olar sýbsııadalardan alǵan aqshanyń jartysyn óz qajettilikterine jumsaǵan.
Alaıda sotta olar óz kinásin moıyndamaǵan.
Sot úkimi boıynsha basqarma basshysynyń orynbasary bolǵan Erlan Kúlekeev 6 jylǵa bas bostandyǵy men ómir boıyna memlekettik qyzmette laýazym atqarý quqyǵynan aıyryldy.
Al Marat Daırabaev jáne Dıdar Moldaqalyqtyń múlki tárkilenip, kez kelgen menshik nysanyndaǵy uıymdarda basshylyq laýazymdy atqarý quqyǵynan jáne 5 jylǵa shartty túrde bas bostandyǵynan aıyryldy. Olarǵa probasııalyq baqylaý qoıylady.
