Astana áýejaıyndaǵy jelilik polısııa bóliminiń qyzmetkerleri patrýldeý barysynda №1 termınalda elordanyń 37 jastaǵy turǵynyn anyqtady. Ol áýejaıdan shyǵa beriste jolaýshylardyń mazasyn alyp, taksı qyzmetin usynyp, tártip saqshylarynyń eskertýlerine qulaq aspaǵan. Sonymen qatar er adam polısııa bólmesine jetkizý kezinde polıseılerdiń zańdy talaptaryna baǵynbaǵan.
Oǵan qatysty QR ÁQBtK-niń 449-babynyń 1-bóligi (Qoǵamdyq oryndarda tıisý) jáne 667-baby 1-bóligi (Quqyq qorǵaý organy nemese arnaýly memlekettik organ, áskerı polısııa organy, memlekettik feldegerlik qyzmet qyzmetkeriniń (áskerı qyzmetshisiniń), sot prıstavynyń, sot oryndaýshysynyń zańdy ókimine nemese talabyna baǵynbaý) boıynsha ákimshilik hattamalar toltyryldy. Astana qalasynyń mamandandyrylǵan aýdanaralyq ákimshilik sotynyń sheshimimen quqyq buzýshy eki táýlikke qamaýǵa alyndy.
Sondaı-aq 2 sáýirde basqa bir zańsyz taksı júrgizýshisi Astana áýejaıyndaǵy polısııa qyzmetkerleriniń zańdy talabyna baǵynbaı, ákimshilik jaýapkershilikke tartyldy.
