Azııa kýbogine balanǵan dástúrli jarysta Qazaqstannan bólek, Grýzııa, Latvııa, AQSh, Qyrǵyzstan, О́zbekstan, Mońǵolııa, Tájikstan, Grekııa, Túrikmenstan jáne Gonkongten kelgen balǵyn balýandar baq synady. Alǵashqy eki kúnde kadetter kúsh synasty. Bul básekede elimiz quramasy aldyna jan salmady. Kúmis pen qola medaldardy eseptemegende, toǵyz órenimizdiń jeńis tuǵyrynyń eń bıik satysyna kóterilýi jergilikti jankúıerlerdi erekshe jelpindirdi. Solardyń arasynan Dosbol Balǵabaı (81 kg), Sherhan Alpanov (+90 kg), Sáýlemaı Saǵıtjan (70 kg) jáne Gúldana Teńgebaeva (+70 kg) syndy jas órenderdiń dara talantymen oqshaýlanǵanyn da aıta ketken abzal. Al ózbekter bas júldeniń beseýin oljalasa, taǵy ekeýi mońǵoldarǵa buıyrdy.
