Mobıldi qosymsha «Discover Abai» dep atalady. Qosymsha jaıly saıahatqa jol ashady ári týrısterge jańa jerlerdi kórip, qazaq tilin úırenip, jergilikti mádenıetpen tanysýǵa múmkindik beredi. Aıta ketý kerek, oqýshylar dál osy qosymshany respýblıkalyq hakatonda qorǵap, bas júlde ıelengen.
Qazaq, orys jáne aǵylshyn tilinde qoldaný múmkindigi bar qosymshaǵa kez kelgen adam tirkele alady. Pikir qaldyrý, keri baılanys, basqa profılderdi qaraý múmkindikteri de qarastyrylǵan. Týrısterge yńǵaıly bolý úshin qosymshaǵa karta ornalastyrylǵan: paıdalanýshy belgili bir obektiniń ornalasqan jerin onyń mekenjaıyn basý arqyly bile alady. Týrıster úshin qazaq tili sabaqtary, Abaı oblysynan shyqqan belgili tulǵalardyń ómirbaıandary, uly Abaıdyń óleńderi usynylǵan.
– Jobanyń klıenttik bóligi «React Native» kitaphanasyn qoldana otyryp, «JavaScript»-te jasalǵan. Al onyń artyqshylyǵy «JavaScript»-tegi kod «Android» jáne «iOS» júıelerinde jumys isteıdi. Iаǵnı ár amaldyq júıe úshin bólek kod jazýdyń qajeti joq. Sonymen qatar tehnologııanyń bul jıyntyǵy jobany masshtabtaýdy jáne synaýdy jeńildetedi, – deıdi Temirlan.
Aldaǵy ýaqytta qosymsha jetildirilip, platformalardyń barlyǵyna júktelmek.
