Berik Qanıev - qazaqstandyq kásipker jáne qoǵam qaıratkeri. Ol «Lancaster Group Kazakhstan» kompanııasy dırektorlar keńesiniń tóraǵasy, sondaı-aq bilim berý, sport jáne ekologııa salasyndaǵy birqatar áleýmettik jobanyń quryltaıshysy. Olardyń qatarynda «Jas Qyran» fýtbol ortalyǵy, Respýblıkalyq fızıka-matematıka mektebi, Fızmat Endaýment qory jáne «Air Vision» ekofondy bar. Sondaı-aq mesenat retinde «IQanat» jáne «Analar Úıi» jobalaryn qarjylandyrady.
Federasııanyń jańa prezıdenti Qazaqstanda golfty damytýmen jáne nasıhattaýmen aınalysýǵa nıetti. Sonymen qatar osy olımpıadalyq sport túrine jastardy tartý úshin balalar men jasóspirimder golfin damytýdy josparlap otyr.
Aıta keteıik, Imanǵalı Tasmaǵambetov Qazaqstan golf federasııasynyń prezıdenti bolyp byltyrǵy jyldyń mamyr aıynda saılanǵan. Ol federasııanyń buǵan deıingi basshysy Nurtaı Ábiqaevty almastyrǵan edi.
Elimizde golf federasııasy 2006 jyly qurylǵan. Sodan beri sporttyń osy túrinen astanada golf klýby ashylyp, «Ambassador'sCup» týrnıri ótkizile bastaǵan. Oǵan Qazaqstannyń saıası qaıratkerleri, sheteldik bıznes-qaýymdastyqtyń jáne elimizde tirkelgen dıplomatııalyq korpýstyń ókilderi qatysqan.
