Etnoaýyl grýzın úıimen tolyqty

Jýyrda ǵana Elbasy Nursultan Nazarbaev óńir jurtshylyǵymen júzdesý ótkizgen etnoaýyldaǵy on eki qanat aq ordada oblystyq Qazaqstan halqy Assambleıasynyń HH sessııasy ótti. Sessııa jumysyn ashqan óńir basshysy Berdibek Saparbaev Memleket basshysy jumys saparynda aımaqtyń áleýmettik-ekonomıkalyq damýyn oń baǵalaǵanyn jetkizdi. – Elbasynyń etnoaýyldaǵy kıiz úıde kezdesý ótkizýi beker emes. Bir shańyraq astynda tatý-tátti ómir súrip jatqanymyz – Nur­sultan Nazarbaevtyń ultaralyq keli­simdi nyǵaıtý saıasatynyń je­misi. Prezı­dent kezdesýden ke­ıin etnoaýyl­dy aralap kórip, óńir­degi etnomádenı birlestikterdiń ju­my­syna rızashylyǵyn bildirdi já­ne bul baǵyttaǵy jumystardy jal­ǵas­tyrýdy tapsyrdy, – dedi B.Saparbaev. Qazaqstan halqy Assambleıasynyń HHI sessııasynda Elbasy júktegen mindetter men tapsyrmalar aıasynda Shyǵys óńirinde birqatar jobalar sátimen júzege asyrylyp keledi. Búginde barlyq bastamalardyń kindigine aınalǵan aımaqta alǵashqy «Dostyq úıi» qurylyp, tuńǵysh ret etnoaýyl salynǵany belgili. Sondaı-aq, elimizdiń jeti aımaǵyn qamtyǵan «Dostyq kerýeni» Shyǵystan bastaý aldy. «Dostyq pen beıbitshiliktiń jol kartasy» aksııasy, «G-Global» alańynda alǵashqy ınnovasııalyq konferensııa ótti. О́tken jyly Assambleıanyń 2020 jylǵa deıingi damý tujyrymdamasy bekitildi. Aldaǵy úsh jyl ishinde Zaısan, Ulan, Aıagóz, Kókpekti, Úrjar, Jarma aýdandarynda «Dostyq úılerin» ashý josparlanyp otyr. Kórshiles Reseı, Mońǵolııa jáne Qytaı elderinde Naý­ryz meıramy atap ótilip, elara­lyq mádenı baılanystar óris alyp keledi. Túrli ulystardyń tili men mádenıeti oqytylatyn túleý mek­te­bi jumys isteıdi. Assambleıa janyn­daǵy ǵylymı-saraptamalyq toby qyzmetiniń jumysy bir tóbe. О́tken jyldan beri óńirde Assam­bleıa­nyń uıymdastyrýymen 200 myńǵa jýyq adamdy qamtyǵan 1216 is-shara ótkizildi. «Týǵan el – altyn besi­gim» aksııasyna etnomádenı birles­tikterdiń ókilderi belsene qatysýda. Oblystyq Qazaqstan halqy Assamb­leıasynyń meńgerýshisi Erkin­bek Aıazbaevtyń aıtýynsha, «Dostyq úıleri» men taldaý jáne boljaý ınstıtýtymen birge oblystaǵy ultaralyq jaǵdaıǵa toqsandyq monıtorıng júrgizilip turady. Atalǵan zertteýdiń nátıjesi kórsetkendeı, óńirde etnosaralyq ahýal turaqty, saýaldamaǵa tartylǵan halyqtyń 74 paıyzy ultaralyq kelisimdi saqtaý jónindegi memlekettik saıasatty oń baǵalaıdy. – Búginde Assambleıanyń barlyq músheleriniń aldyna etnomádenı bir­lestikterdiń jumystaryn jaq­sartýǵa, oblystyń qalalary men aýdandarymen baılanysty damytý arqyly Assambleıa yqpalyn keńeıtýge, azamattyq qoǵam men qazaqstandyq birlikti nyǵaıtýǵa baǵyttalǵan mindetter qoıyldy, – dedi E.Aıazbaev. Bıyl О́skemendegi etnoaýyl grýzın úıimen tolyǵyp otyr. Atalǵan úı etnomádenı birlestiktiń qarjysyna turǵyzyldy. Ulttyq sanaqtyń málimeti boıynsha, óńirde grýzın ultynyń 248 ókili turady. «Olardyń óz bastamasymen etnoaýyldan osyndaı úı salýy ózge ulystarǵa da úlgi bolýy tıis», dedi E.Aıazbaev. Sessııa barysynda Glýbokoe aýdandyq «Dostyq úıiniń» dırektory Marııa Pekýr, Shemonaıha aýdany ákiminiń orynbasary Olga Býlavkına, halyqaralyq «Qazaq tili» qoǵamynyń vıse-prezıdenti Oral Sháripbaev, S.Amanjolov atyndaǵy ShQMÝ-diń oqytýshysy, oblystaǵy ǵylymı-saraptamalyq top múshesi Elena Rıakova, slavıan etnomádenı birlestiginiń tóraǵasy Aleksandr Iаkovlev, etnomádenı uıymdardaǵy jastardyń atynan semeılik Marına Shın jáne taǵy basqa túrli ult ókilderi tatýlyqty tý etken aýqymdy jumystardyń mańyzy jóninde áńgime órbitip, usynystaryn jetkizdi. Dýman ANASh, «Egemen Qazaqstan». О́SKEMEN.