Elimizdiń ejelgi kartalary

Galereıada kóne karta­lar­dyń 100 kóshirmesi qoıyl­dy. Mazmundy is-shara­nyń ashylýynda ýnı­versı­tet rektory Erlan Sydyqov Mem­leket basshysynyń Muhıt-Ardager Sydyqnazarovty qabyldap, onyń atqarǵan ju­mysyna joǵary baǵa ber­genin atap ótti.

Odan keıin sóz alǵan Ǵy­­lym jáne joǵary bilim mınıstr­ligi Ǵylym komı­teti­niń tóraǵasy Darhan Ah­med-Zákı de ǵalymnyń jemisti qyz­metine toqtalyp, oǵan shyǵar­mashylyq tabys tiledi.

Is-shara aıasynda «Qazaq­­stannyń úzilis­siz mem­le­ket­tiligi. Qazaq mem­leket­tiligi tarıh tolqynynda. XVI-XIX ǵasyrlardaǵy Eýropa jáne Amerıka kartalaryndaǵy Qa­zaq memleketi. Atlas» ki­ta­bynyń avtory Muhıt-Ar­dager Sydyqnazarov dáris ótkizdi. Sondaı-aq ol jı­nal­ǵan qaýymǵa óz eńbegi týraly aıtyp berdi. Ǵalym 17 jyldan asa Eýropanyń ult­tyq jáne koroldik mura­ǵatynda, kitaphana men mura­jaıda, kartografııalyq or­talyqtarda jáne AQSh kitap­hanalarynda zertteý ju­mys­taryn júrgizgen. Kitap-atlasqa tabylǵan 1 500 kóne kartanyń 130-y engizilgen. Jınaq 3 tilde daıyndalyp, elimizde ǵana emes, shetelde de tanystyrylǵan.

 – Búginde Qazaq memle­ketiniń eń kóne kartasy 1540 jyl dep belgilengen. Ol Shveı­sarııanyń Bazel qala­­synda tabyldy. Jal­py, XV-XIX ǵasyrlardaǵy Qa­zaq memle­ketiniń kartasy bar­lyq stýdentke ár salada jańa quzyret­tilikti meń­gerýge múm­kindik beredi. Bul túrli ǵy­lymı jáne bilim berý pán­­deri aıasynda elimizdiń mem­lekettiligi týraly bilimdi ny­ǵaıtýǵa, patrıottyq sezimdi qa­lyptastyrýǵa yqpal etedi. 12 sáýirde Brıýsseldegi Eýro­parlamentte alǵash ret «XV-XIX ǵasyrlardaǵy Qazaq mem­leketiniń ejelgi Eýropa jáne Amerıka kartalarynyń galereıasy» tanystyrylady. Bul – tarıhı oqıǵa, – dedi professor.