QMA aýmaqtyq departamenti áleýmettik mekemeniń basshysy men qyzmetkerlerinen quralǵan toptyń zańsyz áreketterin áshkereledi.
«Qazirgi ýaqytta jalpy somasy 12 mıllıon teńgeden astam asa iri kólemdegi alaıaqtyq faktisi boıynsha sotqa deıingi tergeý amaldary júrgizilip jatyr. Áleýmettik mekemede, sondaı-aq is fıgýranttarynyń turǵylyqty mekenjaıynda sanksııalanǵan tintý júrgizý kezinde qarttardyń 799 myń teńge kólemindegi zeınetaqy tólemderi, olarǵa tıesili bank kartalary, sondaı-aq atalǵan tulǵalardyń qylmystyq áreketterin dáleldeıtin basqa da zattar men qujattar tárkilendi. Tergeýdiń tolyq jáne jan-jaqty júrgizilýine kedergi keltirý, sondaı-aq qylmys izin jasyrý jáne joıý áreketterine baılanysty atalǵan mekemeniń basshysy ustalyp, ýaqytsha ustaý ızolıatoryna qamaldy», delingen agenttik málimetinde.
Sot 2 aıǵa deıin qamaýǵa alý túrindegi «bultartpaý» sharasyna sanksııa bergen. QR QPK 201-baby alǵa tartylyp, basqa málimetter jarııa etilmedi.
