«Qazir aýa raıynyń nasharlaýyna baılanysty kólik quraldarynyń barlyq túri úshin respýblıkalyq mańyzy bar avtojoldarda tórt baǵyt boıynsha qozǵalys jabyldy. Olar:
- Astana-Qorǵaljyn,
- Astana-Ereımentaý-Shiderti,
- Astana-Anar stansııasy,
- Astana-Shýchınsk», delingen habarlamada.
TJD qyzmetkerleri joǵary ótimdi tehnıkamen qaladan shyǵý baǵyttary boıynsha patrýldeý júrgizedi.
Elorda turǵyndary men qonaqtaryna qala syrtyna barýdan bas tartý, qyraǵy bolý, aýa raıynyń ózgerýi jáne engizilgen shekteýler týraly aqparatty qadaǵalaý usynylady.
«Qurylys obektileri halyqty jáne aýmaqty qolaısyz aýa raıynyń áserinen qorǵaý jóninde qosymsha sharalar qabyldasyn», delingen departament habarlamasynda.
Buǵan deıin Astananyń Tótenshe jaǵdaılar departamenti aýa raıynyń qolaısyzdyǵyna baılanysty ótken jáne qazirgi táýlikte 112 jelisine túrli sıpatta 3500-den astam qońyraý túskenin habarlaǵan edi.
