123 mıllıardtan astam qaralym jınaǵan #BookTok jahandyq chellendjinen bastaý alǵan aksııanyń maqsaty - Qazaqstan azamattaryn oqýǵa, kitap týraly oı-pikirlerimen bólisýge jáne jańa avtorlardy tanyp, jańa ádebıetterdi bilýge yntalandyrý.
#kitaptok heshtegi boıynsha ádebıet pen kitap oqý taqyrybyna túrli vıdeo túsirýge bolady: kitap sholýlary men usynystar, kitapty tanystyrý, súıikti shyǵarmalarynan úzindiler oqý jáne ádebıetke baılanysty jeke áńgimeler, tipti kitap sóresin jasaý nemese kitap kórmesin jabdyqtaý týraly beınematerıaldar da júkteledi. Úzdik úsh vıdeo avtory baǵaly syılyqtarǵa ıe bolady.
Jobaǵa TikTok-ta tanymal kontent jasaýshylar men Qazaqstannyń birqatar kitaphanalary qyzyǵýshylyq tanytyp otyr. Máselen, QR Ulttyq akademııalyq kitaphanasy, S.Toraıǵyrov atyndaǵy Pavlodar oblystyq ámbebap ǵylymı kitaphanasy jáne Qaraǵandy oblystyq ámbebap ǵylymı kitaphanasy jobadan tys qalmady.
«Mundaı jobalar adamdarǵa jańa kitaptar týraly bilýge jáne ózderiniń ádebı talǵamymen bólisýge kómektesip qana qoımaı, sonymen qatar qazirgi tańdaǵy otandyq jazýshylarǵa jańa oqyrman tabýǵa jáne kitaphanalarǵa qyzyǵýshylyqty arttyrýǵa kómektesedi. Biz qazaqstandyq TikTok paıdalanýshylar #kitaptok-qa belsendi qatysady dep úmittenemiz», dedi QR MSM resmı ókili Móldir Ábdýálıeva.
