Mundaı málimdeme Memleket basshysynyń qatysýymen ótken eldiń áleýmettik-ekonomıkalyq damýyna arnalǵan keńes barysynda aıtyldy.
«Kelissózge kelgen azamattardyń talaby - úsh jylǵa kelisim-shart jasasý. Biz bul talapty oryndaýǵa daıyn ekenimizdi aıttyq. Jalpy, bul - bıznes. Bızneste básekelestik bolýy kerek. Munda bir kompanııa jeńdi, ekinshisi jeńildi. Jeńimpaz kompanııa «BerÁli» qyzmetkerlerin jumysqa alýǵa daıyn ekenin málimdedi («BerÁli Mańǵystaý Company» – esk.). Keıin jumysshylar bul kompanııadan bas tartty», dep túsindirdi Myrzaǵalıev.
Bul rette «QazMunaıGaz» basqarmasynyń tóraǵasy munaıshylar nege tek kelisimshartpen jumys isteıtinin túsindirdi.
«Buǵan deıin tenderlik kelisim bir jylǵa jasalǵan. Endi úsh jyldyq kelisimshartqa kóshemiz dep sheshtik. Bul tek «QazMunaıGazdyń» ustanymy emes. Jeke kompanııalardyń óz táýekelderi bar. Úsh jylǵa qol qoıyp, sodan keıin ınflıasııaǵa baılanysty qural-jabdyqtardyń baǵasy kóterilse, qıyn bolady. Árıne, bul ár kásiporynnyń daıyndyǵyna baılanysty», dedi Myrzaǵalıev.
Onyń aıtýynsha munaıshylardyń talaby únemi ózgeredi.
«Biz jumys isteýge daıyn ekenimizdi aıttyq. Alaıda olar «О́zenmunaıgazǵa» jumysqa turǵylary keletinin aıtty. Bul óte qısynsyz, múmkin emes talap. О́ıtkeni kezekte 9 myń adam tur. «О́zenmunaıgazǵa» kirýdiń belgili bir algorıtmi bar. Eń aldymen, kommýnaldyq kásiporynǵa jumysqa turý kerek, sodan keıin ǵana kásiporynǵa jumysqa turýǵa bolady», dep oıyn aıaqtady QMG tóraǵasy.
