Ákimdik pen Otbasy bank jańa turǵyn úı baǵdarlamasyn iske qosty

Keshe «Qamqor» turǵyn úı baǵ­dar­lamasyn nesıelendirý jónin­de­gi kelisimge Shymkent qalasynyń ákimi Murat Áıtenov pen «Otbasy bank» AQ basqarma tóraǵasy Lázzat Ibragımova qol qoıdy.

Baǵdarlamaǵa dárigerler, medbıkeler, sanıtarlar, muǵalimder, tárbıeshiler, joǵary oqý oryndary men kolledjderdiń oqytýshylary, ǵylymı-zertteý ınstıtýttarynyń ǵylymı qyzmetkerleri, mádenıet, sport qyzmetkerleri, jýrnalıster, qalalyq memlekettik uıymdar men Ha­lyqqa qyzmet kórsetý ortalyq­ta­rynyń qyzmetkerleri jáne energetıka salasynyń ókilderi qatysa alady.

Otbasy bank jańa turǵyn úı baǵ­darlamasy boıynsha ótinishterdi qa­byldap, áleýetti qaryz alýshy­lar­dyń tizimin jasaıdy. Bank bul úde­ri­sti «Baspana market» portalynda (https://otbasybank.kz/) sıfrlandyrady. О́tinishterdiń qashan qabyl­da­natyny týraly málimet keıini­rek jarııalanady.

Jeńildetilgen nesıelendirýge úmit­kerler pýlyna kóp upaı jınaǵan azamattar enetin bolady. Upaılardy sanaǵanda nekede turǵan jyldar sany, balalardyń sany, jumys ótili, Shymkentte tirkelý uzaqtyǵy jáne Otbasy bankte úmitkerdiń depozıti bar-joǵy eskeriledi.

Qatysýshylar pýly jasaq­tal­ǵan­nan keıin úmitkerler Otbasy bankke nesıe alýǵa joldama alady. Olardyń tólem qabilettiligi tekserilip, zaem beriledi. Bul qarajatqa alǵashqy nemese ekinshi naryqtan baspana satyp alýǵa bolady.

«Qamqor» baǵdarlamasyna qa­ty­sý­shylarǵa qoıylatyn talap­tar: birinshiden, qatysýshynyń jasy ótinish bergen sátti qosa alǵan­da 63 jastan aspaýy kerek. Ekin­shi­den, úmitkerdiń jáne onyń otbasy músheleriniń sońǵy 5 jylda Qazaqstan aýma­ǵyn­da jeke menshik quqyǵyn­da­ǵy turǵynjaıy bolmaýy qajet. Úshin­shi­den, sońǵy 3 jylda Shymkent qalasynda turaqty tirkeýde turýy talap etiledi. Tórtinshiden, Shymkent qalasynda tańdaǵan salasy boıynsha sońǵy 12 aıdan kem emes jumys ótili bolýǵa tıis. Jáne sońǵysy – baǵ­darlamaǵa erli-zaıyptylardyń bireýi ǵana qatysa alady.

Ekijaqty kelisimge qol qoıyl­ǵan­nan keıin Shymkent qalasy ákiminiń orynbasary Nursadyq Ergeshbek pen «Otbasy bank» AQ basqarma tóraǵasy Lıazzat Ibragımova mega­po­lıstiń Asar shaǵyn aýdany, Shym­sıtı mekenjaıynda ornalasqan «Asar House» turǵyn úı keshenin paıdalanýǵa berý rásimine qatysyp, 100-ge jýyq qala turǵynyna jańa páterleriniń kiltin tabys etti. Is-sharaǵa «Qazaqstandyq Turǵyn úı Kompanııasy» AQ basqarma tóraǵasy Altaı Kúzdibaev, «OKS Development» kompanııasynyń basshysy Asyljan Qurtaev pen «Asar House» TÚK dırektory Bolat Malımov qatysty.

– Búgin Shymkentte qos qýanyshty jańalyqtyń kýási bolyp otyrmyz. Onyń biri – «Qamqor» baǵdarlamasy boıynsha qalalyq ákimdikpen arnaıy memorandým qabyldadyq. Bul – óte tamasha bastama. Sebebi endi aldaǵy ýaqytta qarapaıym eńbekkerler bas­panaly bola alady. Sondyqtan osy bastamanyń áleýmettik mańyzdylyǵy basym bolyp tur. «Qamqor» baǵ­dar­la­masy Shymkentte jumys isteıtin barlyq turǵynǵa qoljetimdi bolady. Zaem­nyń eń joǵary somasy 20 mln teńgege teń. Nesıe boıynsha paıyzdyq mólsherleme 5%, odan ári ol 3,8%-ǵa deıin tómendeıdi. Ipoteka mólsherlemesin birtindep tómendetý turǵyn úı qurylys jınaq júıesiniń arqasynda múmkin bolyp otyr. Alǵashqy 8 jylda nesıe bo­­ıynsha aı saıynǵy tólem mólsheri 155 myń teńge bolsa, keıin ol 87 myń teńgege deıin túsedi. Mundaı múmkindik nesıe tólemin otbasy úshin qoljetimdi etedi. Ekinshiden, «OKS Development» qurylys kompanııasy «Asar House» turǵyn úı keshenin salyp, Otbasy bank klıentterine jańa páterdiń kiltterin tapsyryp jatyr. Keleshekte bul keshenniń janynan ekinshi turǵyn úı kesheni boı kóteredi. Salymshylarymyz bul páterlerdi 70/30 baǵdarlamasy boıynsha alǵan. Budan bólek, birin­shi naryqtan úı alýǵa múmkindik beretin 50/50 baǵdarlamasy da bar, – dep túsindirdi «Otbasy bank» AQ basqarma tóraǵasy Lázzat Ibragımova.

«Asar House» turǵyn úı kesheni – jer ústi parkıngi men ishki aýlasy bar 5 qabatty kirpish úıler. Turǵyn úı kesheni «OKS Development» kompanııasyna tıesili. Ol naryqta 2001 jyldan beri jumys istep keledi ári Shymkentte 200 000 sharshy metrden asa turǵyn úı men kommersııalyq ǵımarattar salyp úlgerdi.

Qurylys kompanııasy salyp jatqan úılerdiń sapasy men ýaqy­tyn­da tapsyrylýyna basa mán bere­di. Dál qazir «Shymkent City» jańa shaǵyn aýdanynda «OKS Development» jeras­ty parkıngi, jasyl jelekke oranǵan aýlasy jáne balalar alańy bar tórt turǵyn úı keshenin salyp jatyr («Asar House Plus», «Prime Park», «Modern City» jáne Prestıj). Sondaı-aq atalǵan kompanııa «Seitzhan School» atty jańa jekemenshik mektep saldy, onyń ashylýy qyrkúıek aıyna josparlanǵan.

– Otbasy bank pen Qazaqstandyq Tur­ǵyn úı Kompanııasynyń qol­da­ýy­men osy úılerdi salyp bitirdik. Byltyr sáýir aıynda bastalǵan qurylys jumystary bıyl qasıetti Oraza aıt merekesinde aıaqtalyp, paıdalanýǵa berilip otyr. Negizinen, osy sııaqty taǵy 5 turǵyn úı keshe­nin turǵyzyp jatyrmyz. Kóp­shi­ligi Shym­kentsıtı aýmaǵynda or­na­las­qan. Al «Asar House» turǵyn úı kesheniniń jalpy aýdany – 6 myń sharshy metr. 100 páterden turady. «OKS Development» kompanııasy tek úzdik materıaldardy paıdalanady jáne klıentterdiń qolaıly ómir súrýi úshin jaıly jaǵdaı jasaıdy. Osylaısha, joǵary sapaly turǵyn úı keshenderin salady. «Asar House» – Shymkent qalasynda jaıly baspanada turyp, tolyqqandy ómir súrý týraly armandy shyndyqqa aınaldyrǵan kompanııanyń jańa da biregeı jobasy. Bul turǵyn úı kesheni úlestik qurylys týraly zańnama sheńberinde salyndy. Úleskerlerge úı salyna bastaǵan sátten bastap, qurylys kompanııasymen esh kúdik-qorqynyshsyz shart jasasýǵa bolady. Sonymen qatar qosymsha kepildiksiz «Otbasy bank» AQ-da ıpoteka resimdeýge múmkindik bar. Úleskerlik qurylysqa kepil­dik­ti «Qazaqstandyq Turǵyn úı Kom­panııasy» AQ beredi, – dedi «Asar House» turǵyn úı kesheniniń qury­ly­syn júrgizgen «OKS Development» kom­panııasynyń basshysy Asyljan Qurtaev.

Saltanatty is-shara barysynda qonaqtarǵa oıyn-saýyq baǵdar­la­ma­sy kórsetildi. Baǵaly syılyq­tar utysy oınatylyp, ystyq palaý, basqa da dámdi tamaqtar usynyldy. Al búldirshinderdiń kóńilin ertegi keıipkerleriniń beınesin somdaǵan anımatorlar kóterdi.

Áıgerim Nurymbetova – kóp­ba­laly ana. Búginde bes balasyn jalǵyz ózi tárbıelep otyr. Úlkeni – on ekide, kenjesi – beste. Buǵan deıin Qaınarbulaq turǵyn alabynda páter jaldap turǵan eken. Endi ol «Asar House» turǵyn úı keshenindegi jańa páter ıesi atandy. «Baspanaǵa taǵdyrdyń syıymen qol jetkizdim», deıdi. Bul jónindegi áńgimesin bylaısha órbitti: «Aýrýhanada tazalyqshy bolyp jumys isteımin. Aılyq jalaqym kóp emes. Biraq ózimniń jeke baspanam bolsa ǵoı dep armandaıtynmyn. Jaǵdaıym bolmaǵan soń «ASAR-UME» qaıyrymdylyq qoryna ótinish jasadym. Bir kúni úıime qordyń ókilderi keldi. Onlaın páter alý múmkindigin synap kórdi. Talaptarynan óte almadym. Kóńil kúıim qatty túsip ketti. Sóıtsem, bul ázil-qaljyń eken. Artynsha, «OKS Development» kompanııasynan ókilder kelip, qolyma sertıfıkat tapsyrdy. Qýanyshtan jylap jiberdim. Tegin úı alyp turmyn ǵoı. Kompanııa búkil resimdeý qujat­taryn ózderi jasady. Men tek tól­qu­jatymdy aparyp tapsyrdym. Qaıyrymdylyq qory jańa páterdi jaqsylap árlep, ishin jıhazǵa toltyryp berýge ýáde berdi. Kirpishten salynǵan ádemi úıdiń birinshi qa­ba­tynan 2 bólmeli páter buıyrdy. Allaǵa shúkir óz úıimniń bolǵanyna. Qurylys kompanııasyna rahmet! Eldiń áleýmettik jaǵdaıyn oılap otyr­ǵan memleketimiz aman bolsyn!», dedi Áıgerim Nurymbetova.

«Balamnan bes nemerem bar. Biraq ulym óz úıinde turady. Bul turǵyn úı kesheninen páterdi bolashaq nemerelerime dep alyp jatyrmyn. О́zim – mektepte muǵalimmin. Úsh-tórt jyldan beri Otbasy banktiń salymshysymyn. Úıdiń baǵasy 26 mıllıon teńgedeı boldy. Sonyń 30 paıyzda­ıyn, ıaǵnı 8 mıllıon teńgesin depozıtte jınadym. Endi aı saıyn ıpotekasyn tólep turamyn. Keleshekte ne­merelerimniń bireýine qaldy­ra­myn. Osylaı jaǵdaı múmkindik berip turǵanda, artyq baspana alyp qoıǵan jaqsy. Bárinen buryn Otba­sy bank qarapaıym adamdarǵa aqsha jınap úıli bolýǵa kómektesip ja­t­yr. Bul – halyqqa óte úlken jár­dem. Áıtpese, adamdardyń birden aqshaǵa úı satyp alýǵa jaǵdaılary jetpeıdi. Sondyqtan arzan baspanamen qamtıtyn osy bankke júginedi. Qarjy uıymynyń aldaǵy isteri sátti bola bersin!», dedi jańa úıdiń kiltin alǵan turǵyn úı kesheniniń keleshek turǵyny Sábıt Quralov.

«Otbasy bank» AQ-nyń Shymkent qalasy boıynsha fılıalynyń dı­rek­tory Dáýren Saýdabaevtyń aı­týynsha, «Asar House» turǵyn úı keshenindegi páterlerdiń 25 paıy­zy bank arqyly satylǵan. Jal­py, Otbasy bank – turǵyn úıdiń qu­rylysy endi bastalyp jatqan kezeń­nen páterdi satylymǵa qoıatyn birden-bir qarjy uıymy sanalady. Eń basty sharty – «Qazaqstandyq Turǵyn úı Kompanııasy» AQ-nyń oǵan ruqsaty bolý kerek.

2023 jyly memlekettik bıýdjet esebinen 12,9 mlrd teńgege 3342 páterli 72 kópqabatty turǵyn úıdiń (254,2 myń sharshy metr) qurylysyn júrgizý josparlanǵan. Onyń ishinde, jalgerlik 29 úı (1364 páter), kredıttik 43 úı (1978 páter) salynady. Jyl qorytyndysy bo­ıynsha 3072 páterli 67 turǵyn úıdi paıdalanýǵa berý qarastyrylǵan.

Aıta ketý kerek, «Otbasy bank» turǵyn úı qurylys jınaq banki» AQ – elimizdegi turǵyn úı qurylys jınaq júıesin júzege asyratyn birden-bir bank. Uıym Eýropalyq qurylys jınaq kassalary federasııasyna (EQJKF) jáne Halyqaralyq turǵyn úıdi qarjylandyrý odaǵyna kiredi. Bankiniń jalǵyz aksıoneri – «Báıterek» Ulttyq basqarýshy holdıngi» AQ.

ShYMKENT