Mundaı sheshim ANTIKOR men Oqý-aǵartý mınıstrliginiń birlesken otyrysynda qabyldandy.
Buǵan bilim berý salasyndaǵy túrli sybaılas jemqorlyq qylmystardyń jıilep ketkeni sebep boldy.
Tek sońǵy 3 jyl ishinde bilim berý salasynda 300-den astam jemqorlyq quqyq buzýshylyq tirkeldi, tergeý jumystary barysynda 200-ge jýyq adamnyń qylmystyq áreketteri áshkerelendi.
Sybaılas jemqorlyq sıpaty bar qylmystardyń kóbi Shymkent qalasyna, Shyǵys Qazaqstan, Túrkistan jáne Qyzylorda oblystaryna tıesili. Qyzylorda, Aqtóbe oblystary men Taldyqorǵan qalasynyń bilim berý salasynyń qyzmetkerlerine qatysty sońǵy rezonanstyq ister eleýli jemqorlyq shemalarynyń bar ekendigin rastaıdy.
Aldyn ala zertteý barysynda qarajatty urlaý bıýdjettik ótinimderdi qalyptastyrý satysynda júretini anyqtaldy.
Bul rette mektepterdiń, bilim bólimderiniń jaýapty qyzmetkerleri jáne basqa da adamdar sóz baılasady.
Qarjylandyrýdy alǵannan keıin qarajat qalalyq, aýdandyq bilim bólimderine bólinedi, al únemdelgen soma eńbekaqy tóleý qoryna aýdarylady.
Tergeýdiń nusqasy boıynsha mundaı tájirıbe Taldyqorǵan qalasynyń bilim bóliminiń bas býhgalterine «óli jandarǵa», úlestes tulǵalarǵa esepteý arqyly 2 mlrd teńgege jýyq aqsha urlaýǵa múmkindik berdi. Tintý barysynda kúdiktiden 1 mlrd teńge somasynda aqshalaı qarajat tabyldy jáne tárkilendi, onyń edáýir bóligi shetel valıýtasynda boldy.
«Mundaı quqyq buzýshylyqtar bıýdjettik ótinimderdi qalyptastyrý tetikteriniń jetilmegendigi, bilim berý qyzmetkerlerin ortalyqtandyrylǵan esepke alýdyń bolmaýy jáne osy prosesterdi sıfrlandyrýdyń jetkiliksizdigi nátıjesinde múmkin boldy», dep atap ótti Ashat Jumaǵalı.
