«Jazda tarıfterdi 10-30 paıyzǵa kóterý josparlanyp otyr. Ár óńirde ártúrli ósim bolady», dedi Álibek Qýantyrov Májilis alańynda jýrnalısterdiń saýaldaryna jaýap berip.
Mınıstr tarıfterdiń kóterilý sebebin jelilerdiń tozýy, máselen, búginde jylý jelileriniń 80-85 paıyzynyń tozyǵy jetkenin, sondaı-aq osy saladaǵy jumysshylardyń jalaqysyn kóterý qajettigin túsindirdi.
«Bizge turǵyn úı-kommýnaldyq sharýashylyq qyzmetkerleriniń jalaqysyn kóterý kerek, bul - birneshe júz myń adam. О́kinishke qaraı, jalaqynyń azdyǵynan adamdar bul saladan ketip jatyr», dep túsindirdi Álibek Qýantyrov.
Mınıstr óńirler boıynsha tarıfterdiń aıyrmashylyǵyn da túsindirip ótti.
«Máselen, Ekibastuzda monopolıst tarıfti 108 paıyzǵa kóterýdi suraǵan. Biz oǵan bara almaımyz. Tıisinshe, biz muny birneshe ret azaıtyp, talqylaımyz (tarıfterdiń kólemi). О́ıtkeni tarıfter halyqqa qolaıly bolýy kerek», deıdi Álibek Qýantyrov.
Onyń aıtýynsha, tarıfterdi qalyptastyrý máselelerin halyqtyń áleýmettik ál-aýqatyn eskere otyryp, Ulttyq ekonomıka mınıstrliginiń Tabıǵı monopolııalardy retteý komıteti qaraıdy.
