Osylaısha sheberlik saǵatynyń aıasynda júrektiń qolqa qaqpaqshasyn aýystyrý úshin eń jańa «Avalus» bıologııalyq protezi 52 jáne 60 jastaǵy eki pasıentke ımplantasııalandy.
Medısınadaǵy eleýli oqıǵaǵa el óńirlerindegi jetekshi kardıohırýrgııalyq klınıkalardyń kardıohırýrgtary da ortaqtasyp, mamandarymyz júre kele paıda bolǵan jáne týa bitti qolqa (aorta) qaqpaqshasy keseline bıologııalyq protezdi ımplantasııalaý jónindegi oqytýdan ótti.
Kardıologııa jáne ishki aýrýlar ǴZI basqarma tóraǵasy Marat Pashımovtyń aıtýynsha, medısınadaǵy jańa tehnologııalar myńdaǵan adamdardyń densaýlyǵyn der kezinde durystaýǵa kómektesip otyr. Osynyń arqasynda densaýlyq saqtaý salasy joǵary deńgeıge kóterilip, adam ómiri uzaryp, densaýlyǵy jaqsaryp, joǵary tehnologııalyq medısınalyq kómek kórsetý dınamıkasy ósip keledi.
«Bizdiń klınıkamyzdyń bazasynda TMD aýmaǵynda alǵash ret Saýd Arabııasynyń jetekshi kardıohırýrginiń qatysýymen júrektiń qolqa qaqpaqshasyn aýystyrý úshin sońǵy býyndaǵy bıologııalyq protez ımplantasııalandy. Bul bıologııalyq júrek qaqpaqshasynyń protezin ınnovasııalyq turǵyda jetildirýdiń 40 jyldyq tájirıbesine negizdelgen. Búkil álemdik tájirıbedegi eń úzdikterin biriktire otyryp, osyndaı qaqpaqsha qurylsa, ol joǵary gemodınamıkalyq kórsetkishterimen, paıdalaný jeńildigi, beriktigimen, Varfarındi qoldaný qajettiligi bolmaýymen erekshelenedi», deıdi Marat Orynbasaruly.
Osy otadan ótken, ıaǵnı qolqa qaqpaqshasynyń qyzmetinde kináraty bar eki naýqas júrek aımaǵyndaǵy qysyp aýyrtý, kóp qımyldaǵan kezinde entigý, tez sharshap qalatyndyqtary sııaqty shaǵymdarymen stasıonarǵa túsken. Olarǵa dárigerlerdiń hırýrgııalyq aralasýy usynylǵan.
Saýd Arabııasynan kelgen kardıohırýrg, Koroldik memlekettik kardıohırýrgııa salasyndaǵy klınıkanyń dırektory Muhamed Sallah Alreshhıdan ınstıtýttyń jaqsy jabdyqtalǵanyn aıtyp otyr.
«Júrek qaqpaqshalaryn protezdeý tehnologııalary úzdiksiz damyp keledi. Júrek qaqpaqshalaryn protezdeý operasııasy júrektegi qan aǵymyn qalypqa keltirýge, júrek jetkiliksizdiginiń damýyna jol bermeı, júrekke qosymsha salmaqty joıý úshin júrgiziledi», deıdi kardıohırýrgııa bólimshesiniń meńgerýshisi Rústem Tóleýtaev.
«Al asqyný qaýpi joǵary naýqastarda, sondaı-aq egde jastaǵy adamdarda júrek qaqpaqshalarynyń bıologııalyq protezderin qoldanǵan jón. Bıologııalyq qaqpaqshalardyń mańyzdy artyqshylyqtarynyń biri – qandy suıyltatyn dárilerdi-antıkoagýlıanttardy ómir boıy qabyldaýdyń qajettiligi toqtaıdy», dep túsindirdi doktor.
Jańa býyn júrek qaqpaqshasynyń bıologııalyq protezi ońaı jáne uzaq qyzmet etedi. Bul qaqpaqshanyń qyzmet etý merzimi standartty klapandarǵa qaraǵanda uzaǵyraq.
Qaqpaqsha ımplantasııasy úshin standartty tásil de, sternotomııany qajet etpeıtin, aǵzaǵa barynsha zaqymy az tehnıka da qolaıly, bul keýde qýysy qańqasyn saqtaýǵa, ınfeksııalyq asqynýlardyń qaýpin azaıtý men aýyrsyný sındromynyń zardabyn tómendetýge múmkindik beredi. Sondaı-aq operasııadan keıingi kezeńde tynys alý jeńildep, uzaq ýaqyt boıy korset kııý qajettiligi joıylady da, qalypty ómirge tezirek oralýǵa múmkindik ulǵaıady deıdi mamandar.
