Shymkentte shyny buıymdaryn shyǵaratyn zaýyt ashyldy

ASTANA. 10 shilde. Shymkent qalasynda «Evro Krıstall» jaýapkershiligi shekteýli seriktestiginiń shyny buıymdaryn shyǵaratyn zaýyty iske qosyldy. Bul týraly ontustik.gov.kz habarlady. Jalpy quny 2,3 mlrd. teńgege baǵalanǵan bul joba elimizdiń Indýstrııalandyrý kartasy sheńberinde iske asyp otyr. Ońtústik Qazaqstan oblysy ákiminiń orynbasary Saparbek Tuıaqbaev: «Elimizde shyny shyǵaratyn eki kásiporyn bolsa, sonyń jańa tehnologııamen jabdyqtalǵan biregeıi osy zaýyt bolyp tabylady. Qazirgi tańda zaýyt respýblıkamyzdaǵy suranystyń 15 paıyzyn qamtyp otyr», ‒ dedi. Bul jobaǵa «Bıznestiń jol kartasy-2020» baǵdarlamasy aıasynda memlekettik qoldaý kórsetilgen. Kásiporyn shveısarııalyq «Emhart» kompanııasynyń jabdyqtarymen qamtamasyz etilgen. Zaýyt shyny massasyn daıyndaýǵa arnalǵan komponentterdiń keıbir túrlerin (dolomıt, áktas) jáne qyltasy bar shyny buıymdardyń barlyq túrin shyǵara alady. Joldybaı Bazar. Derekkóz: ontustik.gov.kz. Foto: ontustik.gov.kz.