Taraptar kelissóz barysynda eki eldiń taýar aınalymy, densaýlyq saqtaý, bilim berý, mádenı almasý salasyndaǵy, sondaı-aq halyqaralyq uıymdar aıasyndaǵy yntymaqtastyqtyń aǵymdaǵy máseleleri men ózara is-qımylynyń keleshektegi baǵyttaryn talqylady.
«Parlamentaralyq yntymaqtastyq saıası únqatysýdyń ajyramas bóligi bolyp tabylady. Ony Qazaqstan basshysynyń 2021 jyly Koreıa Respýblıkasyna jasaǵan sapary aıasynda qol jetken ýaǵdalastyqtar aıasynda naqty mazmunmen baıytý qajet. Bizdiń elderimizdiń parlamentterinde dostyq pen yntymaqtastyq toptary jumys isteıdi, olardyń jumysyna qarqyn berýge bolady», dedi senator.
Ký Hong Sok óz kezeginde eki eldiń yntymaqtastyǵyn odan ári nyǵaıtýdyń mańyzyna toqtala kelip, memleketterimiz arasyndaǵy dıplomatııalyq qatynastar ornaǵan sátten bastap Qazaqstan ózin senimdi saıası jáne ekonomıkalyq áriptes retinde tanytqanyn atap ótti.
