«Gúlmıra Kárimovanyń kenetten qaıtys bolýyna qatysty sotqa deıingi tergep-tekserý jumystary júrgizildi. Búgingi tańda tergeý QR Qylmystyq-prosestik kodeksiniń 35-baby 1-bóligi 2-tarmaǵyna sáıkes, qylmystyq quqyq buzýshylyq quramy bolmaýyna baılanysty toqtatyldy. Osy isti qadaǵalaǵan prokýror bul sheshimdi bekitti», dedi Astana polısııa departamenti bastyǵynyń orynbasary Qýanysh Orynbetov.
QR Parlamenti senatynyń jańadan saılanǵan depýtaty Gúlmıra Kárimova 2023 jylǵy 27 qańtarǵa qaraǵan túni qaıtys boldy. Ol 45 jasta edi. Aldyn ala «anafılaktıkalyq shok» degen dıagnoz qoıylǵan edi, biraq 28 qańtarda Densaýlyq saqtaý mınıstrligi ólimge jedel mıokard ınfarktisi sebep bolǵanyn habarlady. 25 aqpanda senatordyń ólimine qatysty qylmystyq is qozǵaldy.
