Mádenıet jáne sport mınıstrligi usynǵan derekterge qaraǵanda, vızasyz rejım týraly kelissóz júrgizip jatqan elder qatarynda Avstrııa, Saýd Arabııasy, San-Marıno, Bahreın jáne taǵy basqalary bar.
«Sonymen qatar azamattary Qazaqstanǵa elektrondy vıza alýǵa ótinish bere alatyn elderdiń tizimin keńeıtý, shaqyrý talabyn alyp tastaý máseleleri de qarastyrylyp jatyr», delingen vedomstvo aqparatynda.
Sondaı-aq BAÁ turǵyndaryna jeńildetilgen vıza berý máselesi talqylanyp jatyr.
«Qazaqstan sheteldik saıahatshylar úshin qyzyq jáne mınıstrlik elimizdiń týrıstik áleýetin tolyq ashýǵa, sonyń ishinde keletin týrıster aǵynyn arttyrý úshin jumys istep jatyr. Onyń ústine mınıstrlik qazirdiń ózinde kóshi-qondy baqylaýdy jaqsartý tetikterin engizedi. Mysaly, eQonaq aqparattyq júıe», dedi QR MJSM resmı ókili Móldir Ábdýalıeva.
Buǵan deıin birqatar BAQ Qytaı men Qazaqstan arasynda 30 kúndik vızasyz rejım ornatylatynyn jazǵan edi. Alaıda, 2023 jyldyń 17 sáýirinde QR Syrtqy ister mınıstrliginiń resmı ókili Aıbek Smadııarov qujattyń áli de talqylaný ústinde ekenin málimdedi.
2 mamyrda Aıbek Smadııarov Qazaqstan men Qytaı arasyndaǵy vızasyz rejımniń artyqshylyqtary týraly aıtty. Onyń aıtýynsha, 2023 jyldyń mamyr aıynda Sıan qalasynda ótetin Ortalyq Azııa-Qytaı sammıti aıasynda 30 kúnge deıin ózara vızasyz rejım týraly kelisimge qol qoıylady dep josparlanyp otyr.
