Mahambet О́temisov atyndaǵy Batys Qazaqstan ýnıversıtetiniń stýdentteri úshin salynyp jatqan 500 oryndyq jańa jataqhananyń qurylysy zaman talabyna saı boı kótergen. Toǵyz qabatty nysanda múgedektigi bar bilim alýshylarǵa 16 oryn qarastyrylǵan. Seksııalardyń árqaısysynda as úı, jatyn jáne jýyný bólmeleri bar.
«Jataqhananyń ereksheligi – burynǵydaı turmystyq bólmeler bir qabattaǵy turǵyndardyń barlyǵyna ortaq emes, jeke páter esebinde salynǵan. Múmkindigi shekteýli stýdentterge ınklıýzııa formatyna sáıkes bólmeleri jabdyqtalady. Memleket basshysynyń tapsyrmasyna sáıkes, aldaǵy 7 jylda 70 myńnan astam stýdentti tósek-orynmen qamtýymyz kerek. Bıylǵy 1 jyldyń ózinde memleket tapsyrysymen 10 myń oryn daıyndalyp jatyr», dedi mınıstr Saıasat Nurbek.
Qurylys jumystary 85 paıyzǵa aıaqtalǵan nysan qyrkúıek aıynda paıdalanýǵa beriledi dep josparlanyp otyr.
