Elektrondyq bıletti bilet.railways.kz saıtyarqyly satyp alýǵa bolady. Ony resimdeý úshin jolaýshy tólqujat derekterin, JSN, múgedektik týraly anyqtama nómirin jáne eGov mobile-danalynǵan alty tańbaly áleýmettik ID kodyn kórsete otyryp tirkelýi qajet.
Jeńildikti bılet satyp alýǵa negiz barlyǵyntekserý avtomatty túrde júrgiziledi. Derekterdi onlaın rejıminde teksergennen keıin satý júıesi tańdalǵan orynǵa tómen baǵa jeńildigin qoldanýǵa múmkindik beredi. Erekshe qajettilikteri bar adamdar úshin áleýmettik mańyzy bar marshrýttar boıynsha jol júrý bıletiniń qunynan 50% jeńildik, Talgonyń kommersııalyq marshrýttary boıynsha mamandandyrylǵan kýpelerge (erekshe qajettilikteri bar jolaýshy men ilesip júretin adam úshin) 70% jeńildik kózdelgen.
Jeńildikti jol júrý qujattaryn resimdeý rásimin jeńildetý úshin QTJ Eńbek mınıstrliginiń «Áleýmettik kómek» avtomattandyrylǵan aqparattyq júıesimen ıntegrasııalaý boıynsha jumys júrgizýde. Osydan keıin jolaýshy tek JSN kórsete otyryp, jeńildikti bıletterdi rásimdeı alady.
Ulttyq tasymaldaýshy poıyzdaryna múgedekter men olarǵa ilesip júretin adamdarǵa arnalǵan oryndary bar mamandandyrylǵan vagondar engiziledi. «Jolaýshylar tasymaly» AQ parkinde erekshe jolaýshylardyń qajettilikterine jaýap beretin 80 kýpe vagony bar. Onyń 20-sy Talgo vagondary.
2025 jylǵa qaraı áleýmettik mańyzy bar marshrýttar boıynsha qozǵalýy nashar adamdar úshin vagondarmen tolyq qamtamasyz etý josparlanýda, kommersııalyq poezdar quramynda - shamamen 90%. 2023 jyldyń sońyna deıin 13 vagonda erekshe adamdardy tasymaldaý úshin bir kýpe qaıta jabdyqtalady. 2030 jylǵa deıin múmkindigi shekteýli jandardyń jaıly sapary úshin kýpesi bar 46 vagon satyp alý josparlanýda.
Múmkindigi shekteýli jandar poıyz bıletin tikeleı vokzaldan kassa arqyly da satyp ala alady. Ol úshin jeke basyn kýálandyratyn qujatty, múgedektik týraly anyqtamany usyný qajet.
