Osy meıramǵa oraı saıabaqqa arnaıy at basyn burǵan qala basshysy Murat Áıtenov qala turǵyndarymen júzdesip, arqa-jarqa kóńil kúıde otyrǵan halyqqa óziniń júrekjardy lebizin bildirdi.
«Barshańyzdy búgingi 1 mamyr – Qazaqstan halqynyń birligi kúnimen shyn júrekten quttyqtaımyn! Jýyrda ǵana Qazaqstan halqy Assambleıasynyń HHHII sessııasy ótkenin bilesizder. Onda Memleket basshysy Qasym-Jomart Toqaev halyqtyń birligi bekem bolsa, ekonomıkalyq damý, beıbitshilik pen turaqtylyq bar ekenin aıtqan edi. Sondyqtan elimizde ómir súrip jatqan barlyq etnos ókilderi osy qaǵıdany jete túsingendikten óz bolashaǵyn Qazaqstanmen baılanystyrady. Jáne eń basty qýanarlyǵy týǵan eldiń órkendeýi jolynda ultqa, dinge, násilge bólinbeı bir atanyń balasyndaı, bir qoldyń salasyndaı birge aıanbaı eńbek etip keledi. Sol sebepti bizdiń jalǵyz Otanymyz bar. Ol – Qazaqstan dep aıtamyz. Endeshe Qazaqstannyń shýaq shashqan beıbit kúnderi máńgi bolsyn, shattyqqa toly Birlik kúni barshamyzǵa qutty bolsyn!» dedi Murat Dúısenbekuly.
О́z kezeginde saıabaqqa jınalǵan kópshilik «Birligimiz jarasqan» ánin qosyla shyrqady. Sodan soń horeografııalyq qoıylymmen bastaý alǵan merekelik konsertti tamashalap, dýmandy keshtiń qyzyǵyna batty. Osynaý merekelik konsert barysynda túrli etnos ókilderi ózderiniń ulttyq áni men bıinen shashý shashty. Osyndaı qyzyqty shaqta konserttiń kórigin ónerpazdarmen birge qyzdyrǵan kórermender de tabyldy. Solardyń arasynda orys halqynyń áni shyrqalǵanda ásem yrǵaqpen terbetilip, sahna tórinen bir-aq shyqqan kip-kishkentaı qyz Arına Sıpıhına óziniń myń burala bılegen bıimen kópshilikti tamsandyrdy. Alty jastaǵy shymkenttik balǵyn anasymen birge búgingi merekelik baǵdarlamany tamashalaýǵa kelgen eken.
«1 mamyr – Qazaqstan halqy birligi kúnin erekshe jaqsy kóremiz. Jyl saıyn asyǵa tosyp otyramyz. О́ıtkeni osynaý merekede kóktemniń shýaǵy jandy jylytsa, ár ult ókilderiniń dástúrin, turmys salty men baı ashanasynan dám aýyz tııýge bolady. Sol úshin de osy meıram biz úshin – óte ystyq. Al saıabaqta keremet konsert ótip jatyr. Osynaý shattyqty kóńil-kúı syılaǵany úshin konsertti uıymdastyrýshylarǵa myń alǵys! Al kishkentaı qyzym ádemi án qoıylsa boldy, dereý aıaq-qoly qımyldap bıleı jóneledi. Bálkim óskende bıshi bolar. Orystyń plıaskasyna, qazaqtyń toı ánderi men túrli ulttyń kóńildi ánderine bılegendi unatady» dedi kishkentaı qyz Arınanyń anasy Nadejda.
Merekelik keshte Shymkent qalalyq mádenıet úıi ónerpazdary jáne «Aıgólek», «Shamsınýr»,«Erketaı», «Qarakóz», «Bı tańy», «Qazyna» bı ansamblderi jáne «MEIR» balet mektebi men «Svetoch» hory óz ónerlerin ortaǵa pash etti. Dýmandy keshtiń eń bir este qalarlyq sáti kópshilikpen birge «Qazaqstan» áni shyrqalyp, aspanǵa 500 shar men 200 kógershin ushyryldy. Sonymen qatar dál osy kúni «Arbat» alańynda «Kógershinder» kórmesi men merekelik etnokórme uıymdastyryldy. Megapolıstiń taǵy bir saıaly mekeni «Abaı» saıabaǵynda da merekelik konsert qoıyldy. Al zoobaqta búldirshinder «Sırk» ártisteriniń arnaıy nómirlerin tamashalady. Kóńildi is-shara qalanyń «Ortalyq» saıabaǵynda da jalǵasyn taýyp, Qýyrshaq teatrynyń qoıylymy sahnalandy. Qýyrshaqtar somdaǵan ertegiler álemin tamashalaýǵa búldirshinder kóp jınaldy.
Jalpy, qalamyzdaǵy tarıhy tereń óner ordasy Shymkent qalalyq qýyrshaq jáne jasóspirimder teatry sanalady. О́ner ujymy 1 mamyr – Qazaqstan halqynyń birligi kúnine oraı, ortalyq saıabaqta balalarǵa arnap «Týǵan kún» atty qoıylymyn usyndy. Teatr kórermenin qýantýdan, tańǵjaıyp dúnıeler qoıýdan jalyqqan emes. Osylaısha únemi izdeniste júretin teatr ujymynyń saıabaqtaǵy sahnalyq qoıylymy da erekshe boldy. M.Abaıdildanyń shyǵarmasy jelisinde sahnalanǵan spektakl sóz joq kópshiliktiń kóńilinen shyqty. Qoıylym mazmunynda ańdar arqyly balalardy otansúıgishtikke, baýyrmaldyqqa, dostyqqa baýlý tárbıesi jatyr. Balalardy osylaı kishkentaıynan meıirimdi, bir-birine baýyrmal etip ósirse, álbette eldiń bolashaǵy da jarqyn bolady degen sóz. Qazirgi ultaralyq tatýlyqtyń tiregi mine osyndaı shaǵarmalar arqyly dáriptelýi tıis-aq.
Bir aıta keterligi ashyq aspan astynda qoıylǵan qoıylym kórermenderi negizinen kishkentaı búldirshinderi bolǵanymen, spektakl qyzyqty sıýjetimen eresekterdi de baýrap aldy. Teatr basshysy Samat Altaıdyń aıtýynsha, óner ordasy osylaı qala saıabaqtarynda jıi qoıylym qoıady eken.
«Balalarymyz teatrda ǵana qoıylym tamashalamaıdy. Teatr akterlerleri qala mańyndaǵy aýyldarǵa baryp, qoıylym qoıyp qaıtýdy dástúrge aınaldyrǵan. Bul da bolsa balalardy sergitýdiń bir joly. Jáne tárbıelik máni bar is dep sanaımyn, dedi teatr jetekshisi.
Budan bólek, teatr ujymy «Arbat» demalys aımaǵynda da kishkentaı kórermenderge arnap sahnalyq qoıylym tamashalatty.
Rasynda da tarıhtyń ózine qarasaq, tek saıası ómiri turaqty bolǵan elderdiń damyp, ósip-órkendeginin kóremiz. Alysqa barmaı-aq búgingi álem kelbetinde ishki alaýyzdyqtan ilgeri jyljı almaı otyrǵan keıbir memleketterdi baıqaımyz. Sondyqtan bizdiń eldiń tynysh ta beıbit, berekeli ómirine táýbe deý kerek. Birlikti saqtaý óz qolymyzda. Bárimiz tatý-tátti ómir súrsek, tonnyń ishki baýyndaı birligimiz bekem bolsa, bizdi syrttan da ishten de jaý da daý da ala qoımas. Eń bastysy osy qundylyqty óskeleń urpaqqa uǵyndyrý kerek dedi merekege jınalǵan kópshilik qaýym.
