Memleket basshysy – Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaevtyń aıtýynsha, búginde jas qazaqstandyqtardy otanshyldyqqa tárbıeleý mańyzdy mindetterdiń biri bolyp otyr. Osy tusta eldiń túpkir-túpkirinde 9 myńǵa jýyq áskerı-patrıottyq uıym ashylǵan.
«Taǵy bir mańyzdy mindet – jastardy otanshyldyqqa tárbıeleý. Elimizde 9 myńǵa jýyq áskerı-patrıottyq uıym jumys isteıdi. Sol uıymdardyń qatarynda 260 myńnan astam jasóspirim bar. «Jas sarbaz» qozǵalysynyń aıasynda 400 «Smart sarbaz» úıirmesi ashyldy. Bul úıirmelerge 6 myńǵa jýyq jas jetkinshek qatysady», dedi Qasym-Jomart Toqaev Búkilarmııalyq keńes otyrysy barysynda.
Bul rette Prezıdent Uly Otan soǵysyna qatysqan qazaqtyń dańqty batyry, áskerı qolbasshy ári talantty jazýshy Baýyrjan Momyshulynyń qanatty sózin negizge alyp, óskeleń urpaqtyń patrıottyq rýhyn kóterýge nazar aýdarý qajet ekenin aıtty.
«О́skeleń urpaqtyń áskerı-patrıottyq rýhyn kóterýge basa mán berý qajet. Baýyrjan Momyshuly «Eshkim batyr bolyp týmaıdy. Batyrlyq ta minez sekildi, ósken orta, kórgen tárbıege baılanysty qalyptasady» degen. Biz batyrlarymyzdyń erligin únemi dáriptep otyrýymyz qajet. Osyǵan oraı áskerı-patrıottyq tárbıe berýdiń 2030 jylǵa deıingi tujyrymdamasyn ázirleý kerek. Sondaı-aq «Jas sarbaz» qozǵalysyn damytyp, ony ulttyq deńgeıge kótergen jón», dedi Memleket basshysy.
Sózin aıaqtaı kele, Prezıdent qazaq armııasynda qyzmet etetin ár jaýynger Otan aldynda, halyq aldynda bergen antyna adal bolatynyna senim bildirdi.
«Qorǵanys jáne qaýipsizdik salasy elimizdi turaqty damytý isinde aıryqsha mańyzdy ról atqarady. Aıbyndy armııa – qasıetti jerimizdi jáne elimizdi qorǵaıtyn senimdi qalqan. Halqymyz alańsyz ómir súrýi úshin áskerı qyzmetshiler óz mindetin múltiksiz atqarýy kerek. Men Otan kúzetindegi árbir jaýyngerimiz antyna adal bolady dep senemin», dep túıindedi Qasym-Jomart Kemeluly.
