Sherýge qatysýshylar soǵystan qaıtpaǵan maıdangerler memorıalyna gúl shoqtaryn qoıyp, shekara ardageri Andreı Sharov pen ulttyq qaýipsizdik ardageri Pavel Dosenkonyń estelikterin tyńdady. Jalpyqalalyq is-shara kitaphanashy Rázııa Tasmaǵanbetovanyń bastamasymen uıymdastyrylyp otyr.
– Qalalyq kitaphananyń janynan «Mura» azamattyq-patrıottyq klýby jumys isteıdi. Klýbtyń basty maqsaty – jastarǵa beıbit ómirdiń qanshalyqty qymbat qundylyq ekenin túsindirip, nasıhattaý. Mundaı is-sharany osymen ekinshi ret ótkizip otyrmyz. Alǵash ózimizdiń jáne kýrsanttardyń kúshimen uıymdastyrdyq. Búgingi is-sharaǵa shekarashylar men áskerı qyzmetshiler kelip qosyldy, – deıdi kitaphanashy.
Jıyn barysynda «Barlaýshy» áskerı-patrıottyq klýbynyń músheleri jalańash qolmen shege qaǵý, synǵan shynynyń ústimen jalańaıaq júgirip ótý, áskerı qoıan-qoltyq urys tásilderin qoldaný sııaqty sheberlikterin kórsetti.
– Mundaı is-sharalardyń taǵylymy mol. Otanymyzǵa qashanda tynyshtyq, jastarǵa beıbit ǵumyr tileımin. Jas urpaq jan-jaqty oqyp, tereń bilim alyp, el ıgiligine eńbek etýge tıis. Elimizdiń Qarýly Kúshteriniń aıbyny asqaqtap, abyroıy arta bersin! – dedi shekara ardageri Andreı Sharov.
Qostanaı oblysy
