Merekelik konsertke Halyq qaharmandary – Baqytjan Ertaev pen Aıdyn Aıymbetov jáne Astana qalasy ákiminiń orynbasary Eset Baıken, Astana qalalyq máslıhatynyń hatshysy Erlan Kanalımov, qalalyq Ardagerler keńesiniń tóraǵasy Sansyzbaı Esilov jáne basqalar qatysty.
«Beıbitshilik jáne kelisim» saraıynda ótken konsertte elge belgili ánshiler Roza Rymbaeva, Jeńis Ysqaqova, Medet Salyqov pen Klara Tólenbaeva, Aıgúl Qosanova jáne basqalar patrıottyq rýhtaǵy ánderdi shyrqap, kórermenniń ystyq yqylasyna bólendi.
Konsert surapyl soǵys jyldaryndaǵy erjúrek jaýyngerlerdiń erligi men tyldaǵy qarapaıym eńbek adamdarynyń taǵdyryn sıpattady. Ardagerlerge qurmet kórsetý, tarıhqa taǵzym etý, beıbitshilikti saqtaý sııaqty qundylyqtar dáripteldi.
«Maǵan bári unady. Qoıylym da, akterlerdiń óneri de, rejıssýra da kóńilimnen shyqty. Batyrlarymyzdyń esimi atalǵan ánderdiń shyrqalǵany keremet bir áser berdi. Qazaqstan maıdan dalasyna attanǵan árbir batyrynyń erligin qurmetteıdi», dedi qala turǵyny Dıas Temirhanov.
Merekelik kesh barysynda maıdan ánderimen qatar, teatrlandyrylǵan qoıylymdar qoıyldy.
