Ult qaýipsizdigi – ulandardyń qolynda

Jastardy el úshin eńbek etýge shaqyrýdy maqsat etken is-sharaǵa oblys ortalyǵy men jaqyn aýdandardaǵy mektep oqýshylary men joǵary oqý oryndarynyń stýdentteri qatysty. Áýeli departament ǵımaratynyń májilis zalynda jastarǵa arnaıy qyzmettiń qyr-syry túsindirilip, bul salaǵa qalaı jumysqa kelýge bolatyny týraly aıtyldy. О́z kezekterinde oqýshylar men stýdentter suraqtaryn qoıdy.

Eń basty aıta keterligi, Ulttyq Qaýipsizdik komıtetine jumysqa turý úshin joǵary bilim men arnaıy tekserýden ótý qajet. Al mektepti endi bitiretin túlekter úshin Al­matyda atalǵan komıtettiń arnaıy oqý orny bar. Ol oqý-ornynda oqımyn degen tú­lekterdiń UBT-da jınaǵan upaıy men dene daıyndyǵy mańyzdy.

– Departamenti uıym­das­tyrǵan qoǵamdyq is-sharada biz mektep oqýshylary men joǵary oqý oryndarynyń stýdentterine «Ashyq esik kú­nin» uıymdastyrdyq. Jal­py, bul jerge jınalǵandardyń kópshiligi negizinen bolashaqta óz ómirlerin Ulttyq Qa­ýip­siz­dik komıtetindegi ju­mys­­­pen baılanystyramyn degen jastar. Olardy ma­za­laǵan suraqtaryna jaýap berdik. Ulttyq Qaýipsizdik ko­mı­te­tiniń jumysy týraly jalpylama málimet berdik, – deıdi komıtettiń Shyǵys Qa­zaq­stan oblysy boıynsha De­par­ta­mentiniń qyzmetkeri Dýlat Saharıev.

Bul is-sh­ara buǵan deıin de uıym­das­tyrylǵan. Jastar arasynda ulttyq qaýipsizdik salasynda qyzmet etýge nıet bildirgender de artyp keledi. Kezdesýden soń oqýshylar men stýdentter qarý-ja­raq túr­le­rimen tanysty. Qol­da­ryna ustap, qyzyqtady.

– «Ashyq esik» kúni bizge osy salaǵa qalaı jumysqa kelýge bolatyny, ol úshin qajetti bilim deńgeıi týraly málimetter berildi. Ulttyq Qaýipsizdik komıtetiniń ju­mysymen tanystym. Arnaıy qyzmettiń jumysyn ishinen kórip, qoldanatyn tehnıkalary men qarý-jaraqtaryn ustap kórdik. Bolashaqta jo­ǵary áskerı akademııany tá­mamdap, basqarýshy ofıser mamandyǵyn alyp shyqqym keledi, deıdi Raıymjan Már­sekov atyndaǵy orta mek­­tep­tiń joǵary synyp oqý­shysy Ravıl Baıǵazın.

Erekshe uıymdastyrylǵan is-shara sońynda qatysý­shy­larǵa Ulttyq Qaýipsizdik ko­mıtetiniń Shyǵys Qazaq­stan oblysy boıynsha depar­ta­menti atynan estelik syı­lyq­tar tabystaldy.

Shyǵys Qazaqstan oblysy