Sarapshylar alańynda GovTech salasyndaǵy álemniń jetekshi zertteýshileri, novatorlary men praktıkteri turaqty jáne ádiletti keleshek úshin ıdeıa almasyp, memlekettik sektorda sıfrly transformasııa qalyptastyrý maqsatynda jınaldy.
Jıynǵa Astana memlekettik qyzmet haby basqarýshy komıtet tóraǵasy Álıhan Báımenov qatysty.
«Bul iste úkimet pen jeke kompanııalardyń áriptestik ornatýy mańyzdy. Sebebi, zertteýler qazirgi tańda jeke kompanııalar tehnologııalaryna senim, ortasha alǵanda, úkimettik quraldarǵa qaraǵanda joǵary ekendigin kórsetken», dedi Álıhan Báımenov.
Ol sonymen birge Astana memlekettik qyzmet habyna Dúnıejúzilik banktiń jahandyq áriptesi atanýy úlken qurmet ekenin jetkizdi.
Sapar barysynda Álıhan Báımenov pen QR Prezıdenti ákimshiligi memlekettik basqarý bólimi jetekshisi Áltaıyr Ahmetov AQSh kadr qyzmeti Keńsesi (ORM) joǵarǵy jetekshileri - Rob Shraıver, Mark Lambert jáne basqa qyzmetkerlermen kezdesti. OPM ókilderi amerıkalyq memlekettik qyzmet júıesi erekshelikterin,onyń ishinde kadrlardy irikteý men baǵalaý úderisi jaıly baıandady. Oǵan qosa olar joǵarǵy memlekettik qyzmet (Senior Exesutive Service - Qazaqstandaǵy «A» korpýsy balamasy) jumysyna toqtaldy. Taraptar yntymaqtastyqty ári qaraı damytý joldaryn, onyń ishinde Qazaqstan men aımaq elderi memlekettik qyzmetshileri biliktilikterin arttyrý baǵdarlamalary týraly pikir almasty.
