Máselen, Astana qalasy boıynsha Ekonomıkalyq tergeý departamentimen birlesip júrgizilgen is-sharalardyń nátıjesinde «Astana-Antalııa» áýe reısin tekserý kezinde 118 392 AQSh dollary, 28 750 rýbl, 92 885 eýro somasynda deklarasııalanbaǵan qolma-qol aqshasy tabylǵan azamat toqtatyldy.
«Astana qalasy boıynsha MKD jeke tulǵalarǵa Qazaqstan Respýblıkasynan 10 000 AQSh dollary balamasynan asatyn somadaǵy qolma-qol shetel valıýtasyn jáne shetel valıýtasyndaǵy aqsha quraldaryn áketýge, sondaı-aq tazartylǵan altyndy áketýge tyıym salynatyny týraly eske salady. Bul rette mundaı buzýshylyqtar anyqtalǵan kezde Qazaqstan Respýblıkasynyń zańnamasyna sáıkes ákimshilik nemese qylmystyq jaýapkershilik kózdeledi», delingen departament taratqan habarlamada.
