BÁIGE
Báıge - halyq arasynda eń kóp taraǵan at sporty. Shabandozdardyń at jarysy qalyń kórermeni bar, esten ketpes erekshe áser syılaıtyn ulttyq sport túri. Búginde elimizde shabandozdardy daıyndaıtyn 753 úıirme jumys isteıdi. Onda 21 myńǵa jýyq bala ulttyq sporttyń qyr-syryn meńgeredi.
ASYQ ATÝ
Asyq atý — erteden kele jatqan qazaqtyń ulttyq oıyny. Ol balalardy eptilikke, jyldamdyqqa, mergendikke úıretedi. Qazaqstanda 2237 asyq oıny úıirmesi bar. Onda 77 myńnan astam adam ulttyq sportpen shuǵyldanady.
KО́KPAR
Kórermeni boıynsha da, qatysýshylar sany jaǵynan da kókpar kósh basyndaǵy ulttyq sport túriniń biri. Elimizde 78 myńnan astam adam kókparmen aınalysady. Olardy jattyqtyryp, sheberlikterin shyńdaıtyn 916 úıirme bar.
QAZAQShA KÚRES
Halyq arasynda sporttyń jekpe-jek túrleri óte tanymal. Sonyń ishinde qazaqsha kúres qatysýshylar sany men jankúıerleri boıynsha aldyńǵy qatarda. Búginde elimiz boıynsha 4427 qazaqsha kúres úıirmesi jumys isteıdi. Onda 159 myńǵa jýyq adam ulttyq sport túrimen júıeli túrde shuǵyldanady.
TOǴYZQUMALAQ
Elimizde ulttyq sport túrleriniń ishindegi eń tanymaly – toǵyzqumalaq.
Adamnyń oılaý qabiletin damytyp, tapqyrlyqqa tárbıeleıtin zııatkerlik oıyn jas ereksheligine qaramastan jalpyǵa qoljetimdi. Qazaqstanda 6856 toǵyzqumalaq úıirmesi bar. Oǵan 207 myńǵa jýyq adam turaqty túrde qatysady.
