foto: newsroom.kz
Aýyl sharýashylyǵy mınıstri Erbol Qarashókeevtiń Qytaıǵa jasaǵan jumys saparynyń nátıjesinde osyndaı ýaǵdalastyqqa qol jetkizildi. О́ndiris oryny «Qorǵas – Shyǵys qaqpasy» arnaıy ekonomıkalyq aımaǵy bolyp bekitildi. Alǵashqy kezeńde kásiporyn jylyna 400 qondyrǵy shyǵarady dep josparlanyp otyr. Mınıstrdiń aıtýynsha, Qazaqstanda 2030 jylǵa deıin ıntensıvti sýarý júıesin qoldanatyn egistik aýmaǵyn 2,5 ese arttyrý kózdelgen. Bul shamamen 750 myń gektar jerdi quraıdy Al bul kórsetkishke qol jetkizý úshin Qazaqstanǵa ozyq tehnologııalar qajet.
«Biz Qytaı boıynsha jańbyrlatyp sýarý jabdyqtaryn shyǵaratyn eń iri kompanııa bolyp sanalamyz. Otandyq ónim álemniń 26 eline eksporttalady. Qazaqstanda ashylatyn kásiporynnyń arqasynda bolashaqta Ortalyq Azııa men Reseı naryǵyna shyǵa alamyz dep esepteımiz. Jalpy, qazaqstandyq aýyl sharýashylyǵy tehnıkasy naryǵynda sapaly ónim shyǵarý úshin barymyzdy salýǵa daıynbyz. Sapar barysynda aýyl sharýashylyǵy salasyndaǵy yntymaqtastyq taýar aınalymyn arttyrý men otandyq aýyl sharýashylyǵy ónimderin eksporttaý jaǵyn da zerdeledi. Máselen, byltyr ekijaqty alys-beris 61 paıyzǵa artyp, 900 mıllıon dollardan asty. Otandyq ónim eksporty eki ese ulǵaıdy. Sondyqtan qazaqstandyq tarap kelissózder barysynda eksporttaýshy kompanııalar men ónim tizimin ulǵaıtýǵa erekshe mán berdi», dedi jańbyrlatyp sýarý júıesin shyǵarýshy kompanııanyń prezıdenti Chjoý Chjango.
Osy tusta Aýyl sharýashylyǵy mınıstri arnaıy jumys toby qurylǵanyn qosa habarlady.
«Búgin jumys tobyn qurýǵa kelistik. Qazaqstan men Qytaı arasynda memleketaralyq komıtet bar. Sonyń ishinde aýyl sharýashylyǵymen aınalysatyn arnaıy jumys tobyn qurý qajet dep sheshtik. Atalǵan platforma barlyq máseleni jyldam ári jeńil sheshýge múmkindik beredi. Jalpy kezdesý jemisti boldy dep oılaımyn», dep túıindedi ol.
