BBC News-ke jergilikti turǵyndardan túsken aqparat boıynsha, batystaǵy Rakhaın shtatynyń astanasy Sıttva qalasynyń 90%-ǵa jýyq aýmaǵy qıraǵan. Bırman áskeri Rakhaın aýmaǵyn tutastaı apat aımaǵy dep jarııalady.
Jeksenbi kúni keshke sıklon áseri Bangladeshte báseńdedi, ol aıtarlyqtaı zalal ákelmese de, elde kóshkin men sý tasqyndary áli de tirkelip jatyr. Bangladeshte zardap shekkender týraly ázirge aqparat joq.
Daýyl Mıanmaǵa qatty áser etip, úıler qırady. Rakhaın shtatynda elektr taratý jelileri úzildi. Eldiń meteorologııa qyzmetiniń habarlaýynsha, sıklon el aýmaǵynan saǵatyna 209 shaqyrym jyldamdyqpen ótken.
Jergilikti BAQ aǵashtardyń qulaýy saldarynan 14 jastaǵy balanyń qaza tapqanyn habarlady.
Elektr jelilerin taratý men symsyz baılanys Mıanmanyń Sıttva qalasynyń kóp bóliginde buzyldy. Internette jarııalanǵan kadrlardan úılerdiń shatyry ushyp, telekommýnıkasııa baǵandary qıraǵanyn, al jarnama taqtalary nóser jaýyn kezinde julynyp ketip jatqanyn kórýge bolady. Al, jergilikti bılik BBC News-ke sıklon 1 300-den astam baspanany, 16 meshit pen oqý ortalyqtaryn qıratqanyn habarlady. Lagerlerde aǵashtar qulap, eki ret kóshkin boldy. Keıingi derekter boıynsha, ondaǵy adamdar aman.
Sınoptıkter Mokko sıklony keıingi jıyrma jyldyqtaǵy eń kúshti daýyl bolýy múmkin ekenin eskertken. Sıklon bastalmas buryn Bangladesh bıligi 750 myńǵa jýyq adamdy evakýasııalady. Sondaı-aq jaqyn mańdaǵy áýejaılar jabyldy, balyqshylarǵa jumysyn toqtatýǵa buıryq berildi. Qaýip tónip turǵan óńirlerdegi adamdar úshin 1 500 baspana daıyndaldy.
