Shara Memlekettik qyzmet isteri agenttiginiń bastamasymen Aqparat jáne qoǵamdyq damý mınıstrligi qoldaýymen QR Prezıdenti janyndaǵy Memlekettik basqarý akademııasynda ótip jatyr.
Jobanyń negizgi maqsaty – halyqpen tıimdi keri baılanys ornatatyn, memlekettik saıasat pen memlekettik organnyń jumysyna qatysty aqparatty jetkizetin salalyq spıkerler pýlyn qurý.
«Bizdiń aldymyzda Memleket basshysy qoıǵan mindetterdi tolyqqandy júzege asyrý jáne halyqqa shynaıy, adal, ashyq qyzmet kórsetetin, bıýrokratııaǵa jol bermeıtin servıstik jáne adamǵa baǵdarlanǵan memlekettik apparat qalyptastyrý maqsaty tur. Ashyqtyq prınsıpine negizdelgen jańa basqarý mádenıetine sáıkes, halyqqa aǵymdaǵy jáne josparlanyp otyrǵan ózgeristerdi, memlekettik organnyń jumysyna qatysty aqparatty jan-jaqty jetkizip, túsindire alatyn salalyq spıkerlerdi daıyndaý mańyzdy», dedi Memlekettik qyzmet isteri agenttiginiń tóraǵasy Darhan Jazyqbaev.
Aqparat jáne qoǵamdyq damý mınıstri memlekettik organdardyń baspasóz hatshysy daǵdarys jaǵdaıynda aqparatty aldymen qazaq tilinde jetkizýdiń asa mańyzdy ekenin atap ótti.
«Qazirgideı aqparat jyldam taraıtyn zamanda kommýnıkasııanyń mańyzy óte zor. «Halyq únine qulaq asatyn memleket» tujyrymdamasyn júrgizý úshin kez kelgen memlekettik qurylym ashyq, shynaıy bolýy kerek. Mekemege qatysty kez kelgen suraqqa jaýap beretin ókildi nemese baspasóz hatshysyn daıarlaý mańyzdy. Daǵdarys týyndaǵan jaǵdaıda aqparat aldymen qazaq tilinde jazylyp, taratylýy kerek. Bul jaǵdaıda salaǵa jaýapty memlekettik qyzmetker kommýnıkatıvtik daǵdylary damyǵan jáne qazaq tilin jetik meńgergen maman bolýy tıis. Qazirgi tańda baspasóz hatshylarynyń biliktiligin arttyrýǵa baǵyttalǵan ádistemelik kitaptardy daıyndap, shyǵaryp jatyrmyz. Aqparat jáne qoǵamdyq damý mınıstrligi tıisti qurylymdarǵa, memlekettik qyzmetshilerge qoldaý kórsetýge daıyn», dedi Darhan Qydyráli.
Semınarǵa ortalyq jáne jergilikti memlekettik organdardan kelgen 40-tan astam maman qatysyp jatyr. Sharanyń ashylý saltanatyna respýblıkalyq «Qazaqstan» teleradıokorporasııasy AQ tóraǵasynyń orynbasary Erkin Muhamedjanov, QR Prezıdentiniń janyndaǵy Memlekettik basqarý akademııasynyń rektory Erlan Ábil qatysty. Úsh kúndik oqytý kýrsyn QR Prezıdentiniń janyndaǵy Memlekettik basqarý akademııasynyń trenerleri «ABCommunications» dırektory Bahyt Amanjolqyzy, «TANBA» PR agenttiginiń dırektory Aqsulý Sańǵalı,«Qazaqstan» telearnasynyń júrgizýshileri Armangúl Toqtamurat jáne Albına Áshim júrgizedi.
