Talapty jastar qatysqan týrnır

Naızagerligi óz aldyna, sem­serlesýdiń has sheberi atanǵan Er Já­nibekke jerlesteri 2009 jyl­dyń qyrkúıeginde Orta­bulaq aýyly mańynda úlken keshen ornatty. Batyrǵa ar­nalǵan eskertkishtiń bıiktigi 37 metr, jan-jaǵy mármár taspen áshekeılendi. Jyl saıyn arnaıy as berýdi, sporttyń semserlesý túrinen aýqymdy týr­nır ótkizýdi jerlesteri dás­túrge aınaldyrǵan. Tek pan­demııaǵa baılanysty sońǵy eki jyl bul dástúr toqtap qalǵan bolatyn.

Sonymen О́skemende osymen 17-shi ret Er Jánibek Berdáý­letulyn eske alýǵa arnalǵan respýb­lıkalyq týrnır ótti. Bu­ryn­dary halyqaralyq týrnır atanǵan dástúrli jarys qazir respýblıkalyq deńgeıde uıym­dastyrylyp júr. Sebebi belgili, memleketter arasyndaǵy qarym-qatynas dál burynǵydaı bolmaı tur. Al týrnır semserlesý jáne rapıra boıynsha ótti. Onyń saltanatty ashylýynda oblystyq dene shynyqtyrý jáne sport basqarmasy basshysynyń orynbasary Serik Qusambaev, oblystyq semserlesý jáne rapıra federasııasynyń prezıdenti Igor Grıaznov, osy týrnır bas­ta­lǵaly basy-qasynda júrip, demeýshilik tanytyp kele jat­qan isker jandar Toqtasyn Erýbaev, Seıiljan Saılaýbaev, Qaırat Orazbaev, basqa da azamattar sóz alyp, Olımpıada baǵ­darlamasyna enetin bul sport túrin elimizde damytý úshin jas­óspirimder arasynda jyl saıyn osyndaı dúbirli jarys ótkizýdiń jemis beretinin tilge tıek etti.

Týrnır birneshe kúnge sozyldy. Tartysty ótken jarysta sem­serlesýden jasóspirimder arasynda birinshi oryndy Al­maty oblysynyń talantty jasy Alekseı Kasatkın jeńip aldy. Ekinshi oryndy almatylyq Georgıı Tınnıkov, úshinshi oryn­­­dardy Shyǵys Qazaqstan ob­ly­synyń qos ókili Kırıll Pro­horov pen Bogdan Lýkın ıe­lendi.

Qyzdar arasynda Almaty qalasynyń ókili Natalıa Zı­nıa­kova chempıon atandy. Krıstına Kra­sıkova (ShQO), Karolına Fo­mına (Almaty), Lázzat Karı­pova (ShQO) keıingi oryndardy bó­listi. Al kadetter arasynda Kı­rıll Prohorov jeńimpaz atandy. Ekinshi jáne úshinshi oryndardy Tımýr Ivanov, Aleksandr Sheshın, Janarbek Januzaqov (barlyǵy Almaty qalasy) ózara bólisti. Burymdylar arasynda (ka­detter) Krıstına Krasıkova qarsylas shaq keltirmedi. Ekinshi jáne úshinshi oryndardy Polına Lesovaıa (Almaty) men Ámına Samatova (ShQO) jáne Hava Ýmaeva (Almaty) jeńip aldy.

Rapıra saıystarynda alma­tylyq Galım Nurymov jasós­pirimder arasynda jeńim­paz atandy. Qyzdar arasynda Almaty qalasynan Sofııa Aq­taeva úzdik shyqty. Kadetter arasynda Abaı oblysynan kelgen Qusman Edil chempıon atandy. Al qyzdar ara­syndaǵy tartysty saıysta taǵy da Sofııa Aqtaeva jeńis tuǵy­rynyń eń bıik satysyna kó­terildi. Komandalyq esepte Alma­ty, qyzdar arasynda Shyǵys Qazaqstan oblysynyń ókilderi sýyrylyp aldan kórindi.

«Semserlesý men rapıra spor­­ty keıingi jyldary elimizde aı­tarlyqtaı jaqsy damyp keledi. Ásirese Almaty qalasy men Al­maty, Shyǵys Qazaqstan oblys­tary jáne Shymkent qalasynda sporttyń bul túrine kóp kóńil bó­linedi. Osyndaı dúbirli jarystardy turaqty ótkizýdiń mańyzy zor. Jastardyń sheberligin art­tyrady. Máselen, Rýslan Kýr­danov, Vadım Sharlaımov, Alına Eskendirova sııaqty talantty jastar Azııa chem­pıonatynda top jardy, Álem ký­boginde júlde terdi. Qys­qasy, sporttyń bul túrinen túrli jarys­ta úmiti­miz bar», dedi Qazaqstan Res­pýb­lıka­sy semserlesý jáne rapıra fede­rasııasynyń vıse-prezıdenti Qarlyǵash Saıhanova.

Jarysta jeńimpazdar men júldegerlerge gramotalar men es­kertkish syılyqtar tapsyryldy.

Ońdasyn ELÝBAI,

Qazaqstannyń qurmetti sport qyzmetkeri

Shyǵys Qazaqstan oblysy