Adasqan adamdar ómiri sahnalandy

Sahnada qarym-qatynas­tary kúrdelengen otbasynyń shym-shytyryq ómiri barynsha anyq kórsetildi. Bir shańyraq astynda turyp jatqan erli-zaıyptylardyń ortaq múddesi joq, olardyń ózara til tabysa almaýynyń zardabyn balalary tart­qan. Erjetken uldary qaıy­rymsyz da qatal, jastaıynan ata-ananyń meıirimine shóldep ósken qyzdary boıjetken kezde úılerinen ketýge májbúr bolady. Otaǵasynyń oıy – syrtta, ańdyǵany – ataq pen mansap, sol úshin de aryn satýdan arlanbaıdy. Shańyraqty uıystyryp otyratyn otaǵasynyń balalarymen sharýasy bolmaǵan soń, erjetkende olar da ákesin onsha kerek qylmaıdy. Bul úıdiń keregesin otanasy ǵana tirep turǵandaı. Ana­sy otaǵasy men balalaryn tatýlastyrýǵa tyrysyp, jamandy jasyryp, jaqsysyn asyryp, jany qalmaı shyryldap júrse de, eńbegi zaıa ketedi. О́ıtkeni iz­gilik pen meıirimge, bir-bi­rine degen jany ashý sezimi irgetasyna áýel bastan qa­lanbaǵan úıdiń berekesi joq. Ortaq qundylyq bolma­sa, bir áke-shesheden týǵan adam­dardyń da ógeı bolatynyn jas ártister kórermen jú­regine jetkize bildi.

Qoıylym premerasyna oblys ákimi Eraly Toǵjanov qatysyp, kórermenderge oı salarlyq dúnıeni sah­na­laǵan №78 mektep oqý­shylary men akterlik mek­tep­tiń jetekshisi Farhat Shyn­temirovke alǵys aıtty. О́ńir basshysy árbir mektepte osyndaı shyǵarmashylyq oshaqtary bolýy kerek­tigin alǵa tartyp, mundaı or­ta­lyqtar balalardyń tul­ǵa­lyq jaǵynan qalyptasýyna áser etetinin jetkizdi.

Osydan eki jyl buryn qu­rylǵan mektep teatrynyń maqsaty – oqýshylardyń shyǵarmashylyǵyn damytý, balalar boıyna rýhanı qazynany sińirip, kitap oqý men ónerge baýlý.

Aqtóbe oblysy