«Almaty arenada» ótken týrnırdiń bastapqy kardynda Azamat Baqytov reseılik Maksım Sokolovty upaı sanymen utsa, Baǵdat Dúısenbaev Igor Barabanovtyń «aýyrtý» tásiline túsip qaldy. Negizgi básekelerdiń birinde Qýat Hamıtov oktagonǵa shyqty. Onyń qarsylasy – Zalımhan Iýsýpov. Daǵystandyq faıter kezinde erkin kúresten О́zbekstan qurama komandasy sapynda óner kórsetip, Azııa oıyndarynda qola medaldy ıelendi. 2016 jyly Rıo Olımpıadasynda qatysyp, Tashkenttegi álem chempıonatynda besinshi orynǵa taban tiredi. Bizdiń jigit te osal emes. «Naıman» degen janama esimmen tanylǵan qandasymyz sporttyń bul túrinde eleýli tabystarǵa qol jetkizdi. Bul básekede Qýat basymdyq tanytyp, jeńis toıyn toılady.
Jarystyń basty jekpe-jeginde Muratbek Qasymhanov ázerbaıjandyq Alovset Mámıevti úsh raýnd boıy qýyp júrip sabady. Tóreshiler biraýyzdan qazaq faıteriniń myqtylyǵyn moıyndady. Al tıtýldyq jekpe-jekte Reseıdiń alyby Hadıs Ibragımov brazılııalyq Fernando Rodrıgesti nokaýtpen jeńdi.
