«Sıngapýr Prezıdentiniń Ortalyq Azııa elderiniń arasynda eń áýeli Qazaqstanǵa kelýi – biz úshin zor mártebe. Sizdiń Qazaqstanǵa saparyńyz – tarıhı oqıǵa. Bul sapar bizdiń ózara tıimdi yntymaqtastyǵymyzdyń jańa kezeńine jol ashatynyna senimdimin. Qazaqstan Sıngapýrmen aradaǵy qarym-qatynasty odan ári nyǵaıta túsýge nıetti», dedi Memleket basshysy.
Bıyl naýryz aıynda eki memlekettiń bir-birimen dıplomatııalyq qatynas ornatqanyna 30 jyl toldy. Prezıdent osy kezeńde elderimiz arasynda ózara senimdi saıası dıalog pen belsendi parlamentaralyq baılanystar qalyptasqanyn atap ótti.
«Qazaqstan men Sıngapýr qatynastarynda saýda-ekonomıkalyq jáne ınvestısııalyq yntymaqtastyq erekshe oryn alady. Memleket basshysy búginde elimizde 140-tan astam sıngapýrlyq kompanııa men birlesken kásiporyn jumys istep jatqanyna nazar aýdardy. Sıngapýrdyń Qazaqstan ekonomıkasyna quıǵan ınvestısııasynyń jalpy kólemi 1,4 mıllıard dollardan asty. Ekonomıkalyq qıyndyqtar men pandemııaǵa qaramastan, byltyr ózara saýda-sattyq kólemi 2 mıllıard dollarǵa jýyqtady. Bul óte jaqsy nátıje dep sanaımyn», dedi Qasym-Jomart Toqaev.
Memleket basshysy ekijaqty yntymaqtastyqtyń berik negizi qalanǵanyna toqtaldy. Bul oraıda jaqynda qurylǵan Qazaqstan-Sıngapýr iskerlik keńesi mańyzdy ról atqarady.
«Sıngapýrǵa týrıst retinde baratyn azamattarymyzǵa qoldaý kórsetemiz. Árıne, Sizdiń elden keletin týrıster men bıznesmenderge bizdiń esigimiz árdaıym ashyq. Sondyqtan Qazaqstan Sizdiń elmen tyǵyz qarym-qatynas jasaýǵa daıyn ekenin taǵy da aıtqym keledi», dedi Qasym-Jomart Toqaev.
О́z kezeginde Halıma Iаkob memlekettik saparmen kelýge shaqyrǵany, sondaı-aq ózine jáne sıngapýrlyq delegasııaǵa qonaqjaılyq kórsetkeni úshin Qasym-Jomart Toqaevqa alǵys aıtty. Sıngapýr Prezıdenti eki el arasyndaǵy saıası dıalog pen ózara tıimdi seriktestiktiń deńgeıin joǵary baǵalady.
«О́te durys aıtasyz. Bul – Sıngapýr Prezıdentiniń Qazaqstanǵa, jalpy Ortalyq Azııaǵa alǵashqy sapary. Sondyqtan bul – óte mańyzdy sapar. Qazaqstan – biz úshin Ortalyq Azııa aımaǵyndaǵy asa mańyzdy seriktes. О́ıtkeni elińizdi, shyn máninde, aımaqtaǵy kóshbasshy retinde tanımyz. Bul biz úshin óte mańyzdy ári kóp jyldan beri jaqsy qarym-qatynas jasap kelemiz. Bizdi tyǵyz qarym-qatynasymyz ǵana emes, ashyqtyq jáne tártip sekildi qaǵıdattarǵa beriktigimiz de baılanystyrady. Bul – Qazaqstan úshin de, biz úshin de mańyzdy», dedi Sıngapýr Prezıdenti.
Memleketter basshylary eksport múmkindikterin keńeıtý, elimizdiń aýmaǵynda birlesken kásiporyndar ashý máseleleri týraly pikir almasty. Atap aıtqanda, Almaty mańyndaǵy «G4City» aglomerasııasynyń qurylysyna qatysty birlesken ınvestısııalyq jobanyń júzege asyrylý barysy, qarjy ınstıtýttary arasyndaǵy yntymaqtastyqty keńeıtý máseleleri talqylandy.
Sonymen qatar, prezıdentter Transkaspıı halyqaralyq kólik dálizi men «Bir jol – bir beldeý» bastamasyn bir-birimen sabaqtastyrý, sondaı-aq elderimiz arasynda tikeleı áýe qatynasyn ashý jóninde ózara tıimdi yntymaqtastyq perspektıvalaryn qarastyrdy.
