Almatynyń «Qaıraty» Ortalyq stadıonda Qyzylordanyń «Qaısaryn» qabyldady. 10-mınýtta Joao Pedro Olıveıra esep ashsa, 24-mınýtta Dmıtrıı Borodın 11 metrlik núkteden nysanany dál kózdedi. Birinshi taım aıaqtalar tusta tóreshi almatylyqtardyń qaqpasyna taǵy bir penaltı belgiledi. Bul joly da Borodın múlt ketken joq. Esep – 0:3. Odan keıin eki komanda oıynshylary qansha jantalasqanymen, tablodaǵy esep ózgermedi.
Qostanaıdyń «Tobyly» óz alańynda «Maqtaaraldy» utty – 1:0. Bul kezdesýdegi jalǵyz goldy 69-mınýtta Islam Chesnokov soqty. Shymkenttiń «Ordabasysy» men Kókshetaýdyń «Oqjetpesi» arasyndaǵy match ta dál sondaı eseppen aıaqtaldy – 1:0. Bul básekeniń taǵdyryn 32-mınýtta brazılııalyq legıoner Aýro salǵan dop sheshti. Al «Aqtóbe» men Aqtaýdyń «Kaspııi» arasyndaǵy oıynda esep ashylǵan joq – 0:0.
Jarys kestesinde 11 kezdesýden keıin 25 upaı jıǵan «Astana» kósh bastap keledi. Sońǵy týrdaǵy jeńisinen keıin «Ordabasy» ekinshi orynǵa kóterildi. Shymkenttikterdiń qorjynynda 23 upaı bar. Úshinshi orynda – 22 upaıdy enshilegen «Qyzyljar».
