Halyqaralyq Balalardy qorǵaý kúnin merekeleý aıasynda Astanada «Balalardyń ıgiligi úshin» respýblıkalyq aksııasy ótedi.
«Halyqaralyq balalardy qorǵaý kúnin merekeleýdiń biregeı ereksheligi elordanyń búldirshinderi – balabaqsha tárbıelenýshileri arasynda «Kóńildi zarıad» áýe sharlary bar bir sáttik fleshmob bolmaq. Jas fýtbolshylar marafony men Astana qalasynyń fýtbol komandalarynyń oıynshylarymen matchtar bir ýaqytta bilim berý uıymdarynyń sport alańdarynda bastalady. Street WORKOUT belsendi sport túrleri boıynsha master-klasstar qalalyq alańdarynda jasóspirimder úshin ótedi», dedi Serik Ádilbaev.
Aldaǵy merekege oraı «Arbat» jaıaý júrginshiler alleıasynda qosymsha bilim berý uıymdarynyń belsendi qatysýymen merekege oraı «Balalyq shaq energııasy» jas sheberleriniń naǵyz qalasy ashyldy.
Balalar demalysy jármeńkesinde «Alaqaı! Demalys» qala turǵyndary men qonaqtary elordalyq jáne eldegi demalys lagerlerin tańdaı alady.
Elordanyń 100-den astam jas sýretshisi «Balalyq shaqtyń jazy» is-sharasyna qatysady. «BORFEST» asfalt vernısajy da osy kúni Esil ózeniniń jaǵasynda uıymdastyrylady.
«SUPER kross» tehnodromynda elorda turǵyndary men qonaqtary radıo jáne robototehnıka, sýdo jáne avıamodeldeý boıynsha jobalarmen tanysady. Mýzykalyq mektepterdiń, óner mektepteriniń jáne Oqýshylar saraılarynyń shyǵarmashylyq ujymdarynyń qatysýymen aýqymdy jáne ásem konserttik baǵdarlama quryldy. Baǵdarlamada qoldanbaly óner boıynsha master-klasstar, sabyn kópirshikteri shoýy bolady. Alǵash ret balalar óz sýretterin bir formatqa biriktirip, mega-panno jasaıdy. Mereke eresekter men balalarǵa arnalǵan sýperdıskotekamen aıaqtalady, onda balalyq shaqtyń mýltfılm ánderi, qazirgi kúnderdiń hıtteri shyrqalady.
«Teatr óneriniń túrlerine balalardyń qyzyǵýshylyǵyn damytý maqsatynda halyqtyń áleýmettik osal toptaryndaǵy balalardyń Qýyrshaq teatryna barýy josparlanyp otyr. Sonymen qatar, 1 maýsymda «Qaýipsiz attraksıon» aksııasyn ótkizý josparlanýda, onda balalar túski asqa deıin, túski astan keıin 50% jeńildikpen balalar attraksıondaryna tegin bara alady. Barlyq ótkiziletin is-sharalar áleýmettik jelilerde jarııalanady», dep túıindedi spıker.
