Taraptar ekijaqty yntymaqtastyqtyń keń aýqymdy máselelerin talqylady. Atap aıtqanda, saýda, agroónerkásiptik keshen, ınvestısııa tartý jáne azamattyq avıasııa salalaryndaǵy ózara is-qımyldy odan ári nyǵaıtý perspektıvalary qaraldy.
Álıhan Smaıylov sońǵy jyldary Qazaqstan men Qatardyń ekijaqty qarym-qatynastary ornyqty damyp kele jatqanyn, buǵan eki memleket kóshbasshylarynyń belsendi baılanystary yqpal etkenin atap ótti.
«Astana ekijaqty jáne kópjaqty formatta Dohamen ózara is-qımyldyń joǵary deńgeıin saqtaýǵa ári nyǵaıtýǵa nıetti», dedi Premer-mınıstr.
Ol Qazaqstan ekonomıkasy úshin agroónerkásiptik keshen strategııalyq salalardyń biri bolyp sanalatynyn jáne onyń áleýeti joǵary ekenin basa aıtty.
«Qazirgi ýaqytta et jáne et ónimderin, sondaı-aq jalpy azyq-túlik taýarlaryn shyǵaratyn qazaqstandyq kompanııalardyń kóp bóligi óz ónimderin Qatar naryǵyna eksporttaýǵa múddeli bolyp otyr. Osyǵan baılanysty men bizdiń elderimiz arasynda Halal sertıfıkattaryn kelisý rásimderin jedeldetý oryndy dep sanaımyn», dedi Álıhan Smaıylov.
Sonymen qatar, ol qazaqstandyqtar men qatarlyqtardyń eki baǵyttaǵy týrıstik saparlarǵa degen qyzyǵýshylyǵy artyp kele jatqanyn atap ótti. Tarata aıtqanda, buǵan Qatar Airways áýekompanııasynyń Almatyǵa tikeleı reısteriniń artqany yqpal etti. О́z kezeginde, qazaqstandyq Fly Arystan kompanııasy da osy jyldyń sońyna deıin Astanadan Dohaǵa turaqty reısterdi bastaýdy josparlap otyr.
О́z tarapynan sheıh Muhammed bın Abdýrahman Ál Tánı ekijaqty yntymaqtastyqtyń barlyq spektri boıynsha ózara tıimdi is-qımyldy nyǵaıtýǵa daıyn ekendigin bildirdi.
