Qoǵam • 24 Mamyr, 2023

Balalardyń áleýmettik jelige tirkelýine shekteý qoıylýy múmkin

460 ret

kórsetildi

1 mın

oqý úshin

Qazaqstanda kámelet jasyna tolmaǵan balalar ata-anasynyń ruqsatynsyz WhatsApp, Instagram jáne basqa da áleýmettik jelilerge tirkele almaýy múmkin, dep habarlaıdy Egemen.kz.

Botakóz BAQBERGEN

Balalardyń áleýmettik jelige tirkelýine shekteý qoıylýy múmkin

Qazaqstanda balalar arasyndaǵy sýısıdtiń aldyn alý maqsatynda olardyń áleýmettik jelilerge tirkelýin shekteý sharalary qarastyrylyp jatyr.

Mundaı shekteý sharasy balalardy zorlyq-zombylyqtan qorǵaý, sýısıdtiń aldyn alý, olardyń quqyqtary men ál-aýqatyn qamtamasyz etý jónindegi 2023-2025 jyldarǵa arnalǵan «Bala qorǵaý» keshendi josparynan belgili boldy.

Jobada Instagram, Facebook, WhatsApp, VKontakte platformalarynda kámeletke tolmaǵandardy zańdy ókilderdiń ruqsatynsyz tirkeýdi shekteý jóninde sharalar qabyldaý 2025 jylǵy 1 toqsanǵa josparlanǵany kórsetilgen. Bul bastamaǵa Sıfrlyq damý, ınnovasııalar jáne aeroǵarysh ónerkásibi, Aqparat jáne qoǵamdyq damý, Oqý-aǵartý mınıstrlikteri jaýapty bolady.

Qujat jobasy «Ashyq NQA» portalynda 6 maýsymǵa deıin jarııa talqylaýda bolady.