Qoǵam • 24 Mamyr, 2023

Saıası qýǵyn-súrgin qurbandaryn aqtaý jónindegi komıssııanyń otyrysy ótti

360 ret

kórsetildi

1 mın

oqý úshin

Erlan Qarın Saıası qýǵyn-súrgin qurbandaryn tolyq aqtaý jónindegi memlekettik komıssııanyń kezekti otyrysyn ótkizdi, dep habarlaıdy Egemen.kz Aqordanyń baspasóz qyzmetine silteme jasap.

Marjan TILEÝBEK

Saıası qýǵyn-súrgin qurbandaryn aqtaý jónindegi komıssııanyń otyrysy ótti

Jıynda Memlekettik komıssııanyń zertteý, baspa jáne arhıv jumystarynyń júzege asyrylý barysy talqylandy.

Is-sharada 2023 jyly saıası qýǵyn-súrgin tarıhyna arnalǵan kezekti materıaldar men qujattar jınaǵyn jaryqqa shyǵarý josparlanǵany jóninde málimet berildi.

Sondaı-aq ǵalymdar men sarapshylar XX ǵasyrdyń 1920-50 jyldary aralyǵyndaǵy saıası qýǵyn-súrgin taqyrybyna qatysty materıaldardy tereń zertteýge jáne taldaýǵa arnalǵan ǵylymı jobalardyń nátıjelerin tanystyrdy.

Budan bólek, komıssııa otyrysynda ǵalymdar men zertteýshilerdiń izdenis jumystaryn qoldaý maqsatynda uıymdastyrylǵan nysanaly qarjylandyrý baǵdarlamasynyń oryndalý barysy qaraldy.

Jıyn qorytyndysy boıynsha Memlekettik komıssııanyń baspa qyzmetin damytý, ǵylymı-zertteý jumystaryn, arhıv bazasyn júıeleý jáne qorlarǵa biriktirý isin jalǵastyrý sekildi negizgi baǵyttaryna qatysty tapsyrmalar berildi.