«Chelıabınskide júk jınaqtaıtyn ortalyq asha otyryp, «Soltústik – Ońtústik» kólik dáliziniń qoldanystaǵy ınfraqurylymyn paıdalanýǵa bolady. Biz ózimizdiń Beıneý – Mańǵystaý temir jol jelisindegi jáne Beıneý – Shalqar avtomobıl jolyndaǵy talapqa saı kelmeıtin ýchaskelerdi qaıta salýǵa ázirmiz», dedi Prezıdent jıyn barysynda.
Memleket basshysynyń aıtýynsha, tıisti júk tasymaly aǵynyn qalyptastyrý úshin kúsh jumyldyrý mańyzdy, al Qazaqstan muny sózsiz iske asyrady.
«Baqty – Aıagóz temir jolynyń qurylysyn ózara tıimdi yntymaqtastyǵymyzdyń naqty mysaly deýge bolady. Onyń iske qosylýy Qazaqstannyń da, Reseıdiń de Qytaı baǵytyna jóneltetin júk kólemin aıtarlyqtaı arttyrýǵa múmkindik beredi», dedi Qasym-Jomart Toqaev.
