TJM jáne Qorǵanys mınıstrligi mamandarynyń jumyla kótergen is-áreketiniń arqasynda eldi mekenderge tóngen qaýip joıyldy. Alaıda orman alqabyndaǵy órtke qarsy kúres áli de jalǵasyp jatyr. Qazir órtke oranǵan orman aýdany 3500 ga qurap otyr.
– Búgin Astanadan qosymsha taǵy bir tikushaq keldi. О́rt aýdanynda syıymdylyǵy 3,5 tonna «Bembı» aspaly sý aǵyzatyny bar úsh Mı-17 kóliktik-jaýyngerlik tikushaǵy tartyldy. Alty ekıpaj aýysymmen jumys isteýge jumyldyryldy, - dedi Semeı qalasy avıasııalyq bóliminiń komandıri, birinshi synypty ushqysh polkovnık Azamat Bazylov.
Jumysty oryndaý barysynda armııa avıasııasynyń ushqyshtary qyzyl jalynǵa qarsy jalpy kólemi 200 tonnaǵa jýyq sý shashqan.
Injenerlik bólimshelerdiń áskerı qyzmetshileri arnaıy tehnıkamen órt sóndirý mashınalarynyń ótýi úshin jol salyp, jerdi jyrtyp, otqa tosqaýyl qoıyp jatyr. Odan bólek jeke quram qoldaǵy bar quraldardyń kómegimen órt sóndirýde. Qazirgi ýaqytta olar toǵyz sharshy shaqyrymnan asa orman alqabynyń órtin aýyzdyqtady.
Jedel shtabtyń basshylyǵymen táýlik boıy jumys júrgiziledi.
