Sársenbi kúni Qazaqstan ulttyq qurama komandasynyń qorjynyna eki medal tústi. «Skıt» saıysynda Ásem Orynbaı aldyna jan salmaı, altynnan alqa taqty. Ekinshi jáne úshinshi oryndardy Úndistannyń qos ókili – Ganemat Sehon men Darshna Rathor ıelendi. Esterińizge sala keteıik, 29 jastaǵy qazaqtyń quralaıdy kózge atqan mergeni 2018 jyly Azııa chempıonatynda kúmis medal enshilese, 2021 jyly álem kýboginde qolaǵa qol sozǵan edi. Sondaı-aq ol aldyńǵy jyly onlaın-formatta ótken qurlyq birinshiliginde top jarǵan bolatyn.
«Skıtshilerdiń» aralas juptar básekesinde Ásem Orynbaı men Edýard Eshenko kúmis júlde ıelendi. Olar tek Italııa-2 komandasyna ese jiberdi.
