Dúnıejúzilik densaýlyq saqtaý uıymynyń COVID-19 pandemııasynyń aıaqtalýy, Qazaqstanda jáne álemde koronavırýs ınfeksııasy boıynsha epıdemıologııalyq jaǵdaıdyń turaqtanýy týraly habarlaýyna baılanysty, bilim berý uıymdarynda, sondaı-aq «Ashyq» jobasynda halyqtyń arasynda koronavırýs ınfeksııasyna qarsy kúres jónindegi shekteý sharalaryn kózdeıtin Qazaqstan Respýblıkasy Bas memlekettik sanıtarııalyq dárigeriniń qaýlylarynyń kúshi joıyldy.
Osylaısha, «Qazaqstan Respýblıkasynyń Bas memlekettik sanıtarııalyq dárigeriniń keıbir qaýlylarynyń kúshin joıý týraly» Qazaqstan Respýblıkasynyń Bas memlekettik sanıtarııalyq dárigeriniń 2023 jylǵy 19 mamyrdaǵy №5 qaýlysyna qol qoıyldy. Osy qaýlynyń tolyq mátinimen Qazaqstan Respýblıkasy Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń saıtynda tanysýǵa bolady.
Sonymen qatar COVID-19 koronavırýs ınfeksııasy joıylmaǵanyn habarlaımyz. Vırýstyń taralýy jalǵasyp jatyr, biraq aýrýdyń salystyrmaly túrde jeńil aǵymyn eskere otyryp, keıinnen halyqtyń syrqattanýshylyǵyn baqylaý basqa vırýstyq ınfeksııalarmen qatar turaqty negizde júzege asyrylady.
