Eń baı boksshy

Vladımır 1976 jyldyń 25 naýryzynda Semeı qala­synda dúnıege keldi. Onyń ákesi áskerı adam bolǵan. Sóıtip, Klıchkolar otbasy Qazaqstannyń biraz jerin sharlaǵan kórinedi. Birer jyl Jambyl oblysynyń Qulan óńirinde de turǵan. Vladımır 1996 jyly asa aýyr salmaqta Atlanta Olımpıadasynyń jeńimpazy atandy. Odan keıin kásipqoılar arasynda eń beldi nusqalar boıynsha chempıondyq tájdi ıelendi. Barlyǵy 69 jekpe-jek ótkizip, 64 ret jeńiske jetti. 54 qarsylasyn nokaýtqa jiberdi. Atalǵan alyptyń tabysy – 90 mıllıon AQSh dollary. Baı-qýattylar tiziminde Klıchko segizinshi oryndy ıelengen.

Al Vladımırdiń týǵan aǵasy – Vasılıı 80 mıl­lıon dollarmen toǵyzynshy satyǵa jaıǵasty. Ol da óz dáýiriniń eń myqty boksshylarynyń biri. Kásip­qoı rıngke 47 márte kóterilgen Klıchkolardyń úlkeni tek eki ret qana jeńilistiń kermek dámin tatty. Vasılıı Qyrǵyzstanda dúnıege keldi.

Dáýleti tasyǵan boksshylar tiziminde Floıd Meıvezer jeke-dara kósh bastap tur. 46 jastaǵy AQSh-tyń azamaty kezinde Atlanta Olımpıadasynda qola medaldi ıelengennen keıin kásipqoılar arasynda judyryqtasýdy jón kórdi. 20 jyldan asa ýaqyt aralyǵynda 50 ret jekpe-jekke shyǵyp, barlyǵynda basymdyq tanytty. 27 básekeni merziminen buryn aıaqtady. Jartylaı jeńil, jeńil, jartylaı orta salmaq dárejelerinde óner kórsetken Floıd sonyń barlyǵynda absolıýtti álem chempıony atandy. Dańqy jer jarǵan Meıvezerdiń tabysy – 450 mıllıon dollar.

Sondaı-aq TOP-10 boksshynyń qatarynda mynadaı gúrzi judyryqty jigitter bar: Djordj Forman (AQSh) – 300 mıllıon, Mennı Pakıao (Fılıppın) – 220 mıllıon, Oskar De La Hoııa (SShA) – 200 mıllıon, Saýl Alvares (Meksıka) – 180 mıllıon, Lennoks Lıýıs (Ulybrıtanııa) – 150 mıllıon, Shýgar Reı Leonard (AQSh) – 120 mıl­lıon jáne Entonı Djoshýa (Ulybrıtanııa) – 60 mıl­lıon dollar.