Basqa basylymdardan: Mercosur-men yqpaldastyqty arttyrýǵa shaqyrdy

«Integrasııalyq birlestiktermen jáne eldermen júıeli dıalogti jal­ǵas­tyrý mańyzdy. Sebebi olarmen yntymaqtastyq ornatýǵa ekonomıkalyq turǵyda múddelimiz. Komıssııa Birikken Arab Ámirlikterimen, Úndistanmen, Mysyrmen, Indonezııamen, Izraılmen erkin saýda aımaǵy týraly kelisim jasaý jumysyn jedel túrde aıaqtaýy kerek. Biz ShYU, ASEAN, MERKOSÝR jáne basqa da halyqaralyq uıymdarmen aradaǵy is-áreketterdi sapaly túrde kúsheıtkenimiz jón», dedi Qasym-Jomart Toqaev Eýrazııalyq ekonomıkalyq odaqtyń plenarlyq sessııasynda.

Ol atalǵan uıymdarmen yntymaq­tas­tyqty arttyrýǵa búkil tarap múddeli ekenine senim bildirdi. Sondaı-aq odaqty qurýdaǵy negizgi maqsattyń biri – qýatty, úılesimdi ortaq ustanym ne­gi­zin­de úshinshi eldermen barynsha tıimdi saýda sharttaryna qol jetkizý ekenine toqtaldy.

Qazaqstan basshysynyń aıtýynsha, qazirgi geoekonomıkalyq jaǵdaıda odaqtyń áleýetin meılinshe tolyq ári tıimdi paıdalaný ortaq basymdyqqa aınaldy.

«Qazirgi geosaıası jaǵdaıda Qazaq­stan, óziniń geografııalyq ornalasýy men múmkindikterin eskere otyryp, eýrazııalyq ónerkásiptik kooperasııa­ny damytý ortalyǵy bolýǵa daıyn. Bul elektromobıl, magıstraldi lokomotıv, vagon, aýyl sharýashylyǵyna arnalǵan jáne jeńil tehnıka quras­ty­ratyn, qurylys materıaldary men hımııalyq buıymdar óndiretin birlesken ká­siporyndar bolýy múmkin. Atalǵan ba­ǵyt­tardyń kóbi is júzinde júzege asy­rylyp jatyr. Sondaı-aq biz qara jáne tústi metaldar ken ornyn ıgerip, ony odan ári óńdeıtin, daıyn ónimder shyǵaratyn birlesken jobalardy júzege asyrýǵa ázirmiz», dedi Q.Toqaev.

Yntymaqtastyq máselesi talqylandy

Beısenbi kúni Eýrazııalyq kósh­basshylar óńirlik Eýrazııalyq eko­nomıkalyq odaq (EAEO) aıasyndaǵy yntymaq­tas­tyqty odan ári jandandyrý joldaryn talqylady.

Máskeýde Joǵary Eýrazııalyq eko­no­mıkalyq keńes otyrysyna tóra­ǵalyq etken Reseı prezıdenti Vladımır Pýtın odaqtaǵy yntymaq­tas­tyq­ty jo­ǵary baǵalady. Onyń qarqyn alǵa­nyn, qalyptasyp kele jatqan kóp­po­lıarly álemniń táýelsiz jáne ózin-ózi qamtamasyz etetin ortalyqtarynyń biri retinde ilgerilep kele jatqanyn aıtty.

Joǵary Eýrazııalyq ekonomıkalyq keńestiń jumysyna Ázerbaıjan, Qa­zaqstan, О́zbekstan, Qyrǵyzstan, Tájik­stan, Belarýs prezıdentteri, Armenııa premer-mınıstri qa­tysty.

Qazaqstan Prezıdenti Qasym-Jomart Toqaev óz sózinde bloktyń ja­ńa halyqaralyq kólik kúre baǵytyn qurýy múmkin ekenin aıtty. Q.Toqaev Úndistan men Eýropa arasyndaǵy 7 200 shaqyrymdyq (4 473 mıl) «Soltústik-Ońtústik» halyqaralyq kólik dálizin (INSTC) Transkaspıı baǵytymen birge damytý qajet ekenine toqtaldy.

«Eýrazııalyq ekonomıkalyq odaqtyń Eýropa men Azııany, jahandyq Ońtústik pen Soltústikti baılanystyrýshy to­rap­qa aınalatynyna senim bildiremin. Biz Reseı Federasııasynyń Qytaı, Úndistan, Pákistan, Iran, Taıaý Shyǵys jáne Ońtústik-Shyǵys Azııa elderimen arada kólik dálizderin ashý nıetin qup­taımyz», dedi Toqaev.

Uıymdy synǵa aldy

Qazaqstan Pre­zı­denti Qasym-Jomart Toqaev Eýr­azııalyq ekonomıkalyq odaq­ty (EAEO) synǵa alyp, onyń músheleri ara­syndaǵy saıası ınteg­ra­sııaǵa qa­tys­ty pikir bildirdi.

Qazaqstan munaıǵa baı memleket, dástúrli túrde Máskeýdiń Ortalyq Azııadaǵy eń jaqyn odaqtasy sanalady. 

Máskeýde ótken EAEO plenarlyq otyrysynda sóılegen sózinde Prezıdent Qasym-Jomart Toqaev Qazaqstan odaqty tek qana ekonomıkalyq blok retinde qarastyratynyn aıtty.