Tehnıka baǵasynyń qymbattaýyna ónimderge engiziletin jańa tehnologııalar men ınnovasııalar sebep bolady. Jańa múmkindikterdi ázirlep, olardy tehnıkaǵa engizý aıtarlyqtaı ınvestısııalardy qajet etedi.
Shıkizat materıaldary
Metall, plastmassa jáne jartylaı ótkizgishter sııaqty shıkizat baǵasy - tehnıkanyń qunyna áser etetin mańyzdy faktor. Máselen, akkýmýlıatorlarda jıi qoldanylatyn lıtıı jáne kobalt sııaqty keıbir shıkizat baǵasynyń kóterilýi ónimniń baǵasyna áser etip, óndiris shyǵyndarynyń ósýine ákeldi.
Komponentter men jetkizýshiler
Prosessor, jad, ekrandar men kameralar sııaqty tehnıkalyq komponentterdi jeke óndirýshiler jetkizedi. Bul komponentterdiń baǵasy naryqtaǵy suranys pen usynysqa baılanysty ózgerýi múmkin. Suranys joǵary bolyp, usynys jetkiliksiz bolǵan kezde komponentterdiń baǵasy ósedi de, daıyn ónimder qymbattaı túsedi.
Valıýtalyq aýytqýlar
Ádette, tehnıka bir elde shyǵarylyp, ekinshi elde satylady. Valıýta baǵamdarynyń ózgerýi de tehnıkanyń baǵasyna áser etedi. Eger óndirýshi eldiń valıýtasy ımporttaýshy eldiń valıýtasyna qatysty nyǵaıatyn bolsa, ımporttalatyn tehnıkanyń quny da ósedi.
Kedendik bajdar men salyqtar
Birqatar elde ımporttalǵan tehnıkaǵa kedendik bajdar men salyqtar engizilgen. Bul rette qosymsha shyǵyndy óz moıyndaryna alatyn óndirýshiler ónim baǵasyn kóterýi múmkin.
Tehnıkanyń baǵasy joǵaryda atalǵan faktorlarǵa tikeleı baılanysty bolyp otyr. Bul faktorlardy eskerý baǵanyń ósý sebepterin túsinýge jáne jańa jabdyqty satyp alý kezinde ońtaıly sheshim qabyldaýǵa kómektesedi.
Gaýhar SÚIINGEREEVA,
L.N.Gýmılev atyndaǵy EUÝ stýdenti
