«Biz túrli óndiristik jobalarǵa mindetti túrde qoldaý kórsetemiz. Áleýmettik-kásipkerlik korporasııalar arqyly jeńildikpen kredıt berý óz tıimdiligin kórsetti. Iаǵnı, qarjylandyrý jaǵynan másele bolmaýǵa tıis. Sút óndirisin tıisti deńgeıde uıymdastyrý kerek. Búkil el boıynsha óz-ózimizdi sút ónimderimen qamtamasyz etetin deńgeıge jetýimiz kerek», dedi Memleket basshysy Soltústik Qazaqstan oblysyna jumys sapary barysynda.
Memleket basshysy adal eńbegimen eldi kórkeıtýge, halyqty azyq-túlikpen qamtamasyz etýge qosqan úlesi úshin aýyl eńbekkerlerine alǵys aıtty.
Prezıdent oblys basshylyǵyna jańa fermalardy iske qosý jáne qoldanystaǵy sharýashylyqtardyń óndiristik qýatyn arttyrý arqyly sút óndirisi baǵytyndaǵy mal sharýashylyǵyn odan ári damytý jóninde tapsyrma berdi.
