Qaraqumyq baǵasynyń tómendeý qarqyny saqtalýda, bir apta ishinde jarma baǵasy taǵy 1,2%-ǵa, jyl basynan beri barlyǵy 23%-ǵa tómendedi. Sonymen qatar kúnbaǵys maıdyń baǵasy – 0,4%-ǵa (jyl basynan beri 5,8%-ǵa tómendeý), un – 0,2%-ǵa (jyl basynan beri-2,5%) tómendeý úrdisi jalǵasyp keledi.
Sondaı-aq osy aptada, jalpy alǵanda, Pavlodar oblysy boıynsha ÁMAT-qa baǵa ındeksiniń 0,3%-ǵa tómendeýi baıqaldy. Mundaı aıtarlyqtaı tómendeý úlesi kóp jaǵdaıda kúnbaǵys maıy men jumyrtqa baǵasynyń tómendeýine baılanysty.
Aýyl sharýashylyǵy vıse-mınıstri Erbol Tasjúrekov ótken jyldyń maýsymaralyq kezeńderindegi astyq qorynyń bar-joǵy men erte oraq jumystarynyń qorytyndysy týraly baıandady. Keltirilgen málimetter boıynsha Túrkistan oblysynda erte kartop jınaý bastalyp, maýsym-shilde aılaryndaǵy jospar 180,4 myń tonnany quraıdy. Almaty oblysynda maýsym-shilde aılarynda bul kókónisti 37,8 myń tonna kóleminde jınaý josparlanyp otyr. Osylaısha, óńirlerdi kartoppen qamtamasyz etýdiń qajetti deńgeıi ońtústik óńirlerden erte ónim alýmen jabylady.
О́tken jylǵy sábizdiń qory bolǵan jaǵdaıda maýsym aıyndaǵy ishki naryq suranysynyń negizgi bóligin ımport esebinen jabý josparlanyp otyr. Bul rette maýsym aıynyń sońyna qaraı Túrkistan oblysynda erte pisetin sábizdi jınaý bastalady, mejeli jospar – 30,3 myń tonna. Oblys boıynsha qazirdiń ózinde 90,8 myń tonna qyryqqabat jınaldy. Qazirgi jáne aldaǵy ýaqytta jınalatyn erte pisetin kókónis ónimi naryq qajettiligin óteý úshin jetkilikti. Túrkistan oblysy ákimdiginiń málimetinshe, qazirgi tańda qyryqqabattyń egistik basyndaǵy quny 70-ten 100 tg/kg aralyǵynda.
Jambyl oblysynda 105,8 myń tonna, Túrkistan oblysynda erte ónim beretin 55,4 myń tonna pııazdy jınaý josparlanyp otyr. Maýsym aıynda ÁKK qorynyń kólemi qalyptasqanyn eskere otyryp, óńirlerge shilde aıynda ońtústik oblystardan jetkizýdi júzege asyrý usynyldy.
2024 jylǵy qys-kóktemgi egindi jınaýǵa keler bolsaq, forvardtyq satyp alý boıynsha aldaǵy kúzgi jıyn-terimge 129 myń tonna kókónis: kartop – 70,6 myń tonna, sábiz – 19,7 myń tonna, pııaz – 22 myń tonna jáne qyryqqabat – 16,5 myń tonna jetkizýge sharttar jasaldy.
Keńes barysynda Qyzylorda oblysynyń ákimdigi taýar óndirýshilerdi forvardtyq sharttar jasasý kezinde kepilmen qamtamasyz etý, óndirýshilerdiń qoımalarynda kelisimshartqa otyrǵan ónimdi (kartopty) saqtaý múmkindigi jaıly máseleler kóterildi. Máseleni qaraý qorytyndysy boıynsha Serik Jumanǵarın Aýyl sharýashylyǵy mınıstrligimen birlesip, mehanızmdi pysyqtaýdy tapsyrdy
Sonymen qatar óńirde maýsym aıynyń basynda kúrish egýdi aıaqtaý josparlanyp otyr. Qyzylorda oblysynyń ákimdigi tarapynan kúzgi egindi satyp alý boıynsha kelisimsharttar jasaý úshin múddeli memlekettik organdardyń, oblystyq ÁKK, basqa óńirlerdiń saýda jelileri ókilderiniń tikeleı qatysýymen kezdesýler ótkizý usynyldy. Bul kúrish baǵasyn saqtaýdy eskere otyryp, bekitýge múmkindik beredi, sonymen qatar jyl boıyna saýda marjasyn odan ári retteýge múmkindik beredi.
Serik Jumanǵarın Qyzylorda oblysy ákimdiginiń kúrish jóninde erte kelisimshart jasasýǵa qatysty usynysyn qoldady. Sondaı-aq áleýmettik azyq-túlik baǵasynyń ósýin odan ári tejeý úshin barlyq qajetti sharalardy qabyldaýdy tapsyrdy.
